Actualitats
Afar Valtònyc: Belgica extradirà pas lo cantador de rap
La cort d’apelacion de Gant a considerat que lo rapaire exercissiá la libertat d’expression quand cantava las cançons per las qualas la justícia espanhòla lo condemnèt
Tèxte legit
Belgica extradirà pas lo cantador malhorquin de rap, Josep Miquel Arenas, de nom d’artista Valtònyc. La decision definitiva l’anoncièt ièr de matin la cort d’apelacion de Gant (Flandra) qu’a decidit de rebutar lo mandat d’arrèst europèu depausat per la justícia espanhòla per un supausat delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. La victòria judiciària del cantador arriba après tres ans e mièg d'exili.
Ara, lo procuraire que defend los interèsses d’Espanha a, coma darrièr recors, fach apelacion a la cort de cassacion de Belgica, mas es fòrça probable que l’accèpte pas.
Un combat de tres ans e mièg d'exili
Espanha aviá doncas demandada l’extradicion automatica del rapaire per un pretendut delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. Mas, segon la legislacion europèa, aquela mena d’extradicion es solament permesa per de crimes punits dins l’estat en question amb almens tres ans de preson. Valtònyc l'avián condemnat a dos ans de preson segon la lei espanhòla de 2012, mas quand se depausèt lo mandat d’arrèst europèu, lo còde penal aviá aumentada la pena per aquel delicte après la reforma facha en 2015. En novembre passat, l’avocata generala de la cort luxemborgesa aviá ja avisat qu’Espanha ne podiá pas reclamar l’extradicion amb un còde penal posterior als faches.
En setembre de 2019, la Cort de Justícia de l’Union Europèa considerèt que l’estat espanhòl podiá pas aplicar lo còde penal retroactivament per demandar l’extradicion automatica del cantador. Lo procès contra el passèt entre las mans dels jutges bèlgas, çò qu’obliguèt la justícia de Belgica de s'interrogar sus sa legislacion.
En 2018, la justícia bèlga aviá ja refusada l’extradicion del cantador. Segon lo tribunal de Gant, las acusacions espanhòlas de “menaças, enaurament del terrorisme e injúrias a la corona” èran pas cap de delicte ni en Espanha ni en Belgica. Lo ministèri public espanhòl faguèt un recors a la cort d’apelacion que foguèt rebutat.
L'afar Valtònyc a fach cambiar la Constitucion de Belgica
L’afar Valtònyc a quitament obligat la justícia bèlga de s’interrogar sus una lei de 1847 qu’èra tombada dins la desmembrança. En octòbre passat, la Cort Constitucionala bèlga decidiguèt qu’aquela lei non s’ajustava pas a la legislacion actuala e al drech internacional dels dreches umans. A mai, èra en contradiccion amb l’article 19 de la Constitucion que garentís la libertat d’exprimir d’opinions sus totes los subjèctes. Pels jutges bèlgas, aquela anciana lei protegissiá “la reputacion del rei mai que la de las autras personas”.
Ara, lo procuraire que defend los interèsses d’Espanha a, coma darrièr recors, fach apelacion a la cort de cassacion de Belgica, mas es fòrça probable que l’accèpte pas.
Un combat de tres ans e mièg d'exili
Espanha aviá doncas demandada l’extradicion automatica del rapaire per un pretendut delicte d’enaurament del terrorisme pr’amor de las paraulas d’una cançon contra lo rei emerit, Joan Carles Ir. Mas, segon la legislacion europèa, aquela mena d’extradicion es solament permesa per de crimes punits dins l’estat en question amb almens tres ans de preson. Valtònyc l'avián condemnat a dos ans de preson segon la lei espanhòla de 2012, mas quand se depausèt lo mandat d’arrèst europèu, lo còde penal aviá aumentada la pena per aquel delicte après la reforma facha en 2015. En novembre passat, l’avocata generala de la cort luxemborgesa aviá ja avisat qu’Espanha ne podiá pas reclamar l’extradicion amb un còde penal posterior als faches.
En setembre de 2019, la Cort de Justícia de l’Union Europèa considerèt que l’estat espanhòl podiá pas aplicar lo còde penal retroactivament per demandar l’extradicion automatica del cantador. Lo procès contra el passèt entre las mans dels jutges bèlgas, çò qu’obliguèt la justícia de Belgica de s'interrogar sus sa legislacion.
En 2018, la justícia bèlga aviá ja refusada l’extradicion del cantador. Segon lo tribunal de Gant, las acusacions espanhòlas de “menaças, enaurament del terrorisme e injúrias a la corona” èran pas cap de delicte ni en Espanha ni en Belgica. Lo ministèri public espanhòl faguèt un recors a la cort d’apelacion que foguèt rebutat.
L'afar Valtònyc a fach cambiar la Constitucion de Belgica
L’afar Valtònyc a quitament obligat la justícia bèlga de s’interrogar sus una lei de 1847 qu’èra tombada dins la desmembrança. En octòbre passat, la Cort Constitucionala bèlga decidiguèt qu’aquela lei non s’ajustava pas a la legislacion actuala e al drech internacional dels dreches umans. A mai, èra en contradiccion amb l’article 19 de la Constitucion que garentís la libertat d’exprimir d’opinions sus totes los subjèctes. Pels jutges bèlgas, aquela anciana lei protegissiá “la reputacion del rei mai que la de las autras personas”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Non eveniment. Total desconegut levat dins son iscla e en Espanha.
Òsca Valtonyc !
En Espanha cal anar quèrre la justícia fòra l’Estat, es a dire luènh de las urpas dels jutges neofranquistas.
Es una vergonha totes aqueles que s’an degut exiliar quand los jutges e la classa politica « de govèrnament » (levat los de Podemos) trabalhan per permètre al rei « emerit », raubaire de milions d’euros per centenas, de tornar tranquille al país.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari