La companhiá multinacionala Nestlé a retirat dels supermercats, dins los estats espanhòl e italian, los produches de pasta de la marca Buitoni ont s’es detectada de carn de caval delà 1%. Aquel percentatge, l’Agéncia de Seguretat Alimentària britanica lo considèra coma un indicador grèu d’adulteracion o de negligéncia, çò a dich l’entrepresa dins un comunicat. Nestlé a tanplan de produches amb de carn de buòu elaborats per l’entrepresa alemanda H.J. Schypke.
 
Los produches retirats son las raviòlas e los tortellinis de carn Buitoni, e tanben mai d’una lasanha a la bolonhesa producha dins l’Estat francés.
 
Nestlé a remembrat que i a pas cap de risc per la santat, que s’agís pas d’un cas de seguretat alimentària, mas qu’aquel fach, totun, “seguís pas las exigéncias de qualitat fòrça nautas que los consumaires espèran de nosautres”.
 
Aquestas darrièras setmanas, s’es descobèrt qualques cases d’emplec de carn de caval en luòc de carn de buòu en de noiriduras preparadas que se comercializan dins divèrses estats de l’Union Europèa, coma Alemanha, França e lo Reialme Unit, çò qu’a implicat lo retirament de qualques produches alimentaris.