Lo jornal Stand News d’Hong Kong anoncièt dimècres passat son barrament après una operacion policièra que detenguèt sèt emplegats e confisquèt d’ordenadors e de material jornalistic. La còla del jornal assabentèt del barrament sus Facebook en soslinhant que lo mèdia es “totjorn estat engatjat per la proteccion de la democracia, los dreches umans e la libertat”, e en mercejant los legeires per lor supòrt.
 
Dimècres devèrs 8h del matin, segon l’ora locala, 200 agents èran intrats dins lo sit del Stand News per arrestar sièis personas qu'aurián publicat de material “sediciós”, çò rapòrta Free Press. Segon lo cap de la polícia hongkonguesa Steve Li, “i a de pròvas indiscutiblas que demòstran qu’aquel mèdia en linha e d’autres fronts internacionals an conspirat per incitar a l’òdi contra lo govèrn e an mes en perilh la seguretat nacionala a travèrs de sa plataforma”.
 
Dos dels detenguts son inculpats per sedicion: lo cap-redactor e son predecessor.
 
 

Hong Kong national security police raided the office of Stand News and arrested six people, including senior staff, for suspected 'seditious publications' offenses. Stand News is the most prominent remaining pro-democracy publication in Hong Kong https://t.co/ErNPbO9E2Epic.twitter.com/rEM8AHvxGX

— Reuters (@Reuters) December 29, 2021