Actualitats
Los bessons Bogdanoff son mòrts amb sièis jorns de diferéncia
Celèbres presentaires de sciéncia-ficcion e scientifics controversiats, mestrejavan plan l’occitan
Tèxte legit
Los fraires Bogdanoff, saique los bessons mai coneguts del país, son mòrts de la covid-19 amb sièis jorns de diferéncia a l’espital Georges Pompidou de París. Grichka Bogdanoff defuntèt lo 28 de decembre e Igor lo 3 de genièr. Èran pas vaccinats. Mas segon BFM TV èran pas antivaccins, simplament consideravan qu’èran en bona forma fisica.
Èran nascuts a Sent Lari (País d’Aush) e parlavan fòrça plan l’occitan gascon coma o demostrèron a l’antena de Ràdio País. Venguèron fòrça populars quand presentèron lo programa de television Temps X (de 1979 a 1987) ont entremesclavan la sciéncia-ficcion amb de teorias scientificas, un trabalh qu’atraguèt l’atencion del grand public, mai que mai dels joves, mas que foguèt fòrça criticat pel mitan academic. Grichka èra licenciat en sciéncias politicas e doctor en matematicas, e Igor aviá un DEA en semiologia e un doctorat en fisica teorica. Ça que la, lo CNRS èra fòrça critic envèrs lors tèsis.
Grichka e Igor Bogdanoff (nom d’ostal ortografiat tanben Bogdanov) èran filhs d’una comtessa austriana e d’un pintre descendent d’immigrats politics russes. Nasquèron e visqueron amb lor grand mairala, que s’èra installada al castèl de Sant Lari. Èran fòrça estacats al país. En 1986, venguèron proprietaris del castèl d’Esclinhac a Montfòrt (Fesensaguet), bastit al sègle XI. En mai de l’occitan e del francés, mestrejavan l’alemand, lo rus e l’anglés.
D’autras emissions que faguèron per la television foguèron Rayons X (de 2002 a 2007) e À deux pas du futur (2010 e 2011), e se defendián de las criticas en disent que qualques especialistas èran incapables d'acceptar un ponch de vista atipic.
En junh 2018, foguèron acusats de frauda envèrs persona vulnerabla, suspèctes d’aver aprofechat la vulnerabilitat d'un milionari de 54 ans que se suicidèt en agost d'aquel an. Lo jutjament davant lo Tribunal Correccional de París èra previst per aqueste mes.
Èran nascuts a Sent Lari (País d’Aush) e parlavan fòrça plan l’occitan gascon coma o demostrèron a l’antena de Ràdio País. Venguèron fòrça populars quand presentèron lo programa de television Temps X (de 1979 a 1987) ont entremesclavan la sciéncia-ficcion amb de teorias scientificas, un trabalh qu’atraguèt l’atencion del grand public, mai que mai dels joves, mas que foguèt fòrça criticat pel mitan academic. Grichka èra licenciat en sciéncias politicas e doctor en matematicas, e Igor aviá un DEA en semiologia e un doctorat en fisica teorica. Ça que la, lo CNRS èra fòrça critic envèrs lors tèsis.
Grichka e Igor Bogdanoff (nom d’ostal ortografiat tanben Bogdanov) èran filhs d’una comtessa austriana e d’un pintre descendent d’immigrats politics russes. Nasquèron e visqueron amb lor grand mairala, que s’èra installada al castèl de Sant Lari. Èran fòrça estacats al país. En 1986, venguèron proprietaris del castèl d’Esclinhac a Montfòrt (Fesensaguet), bastit al sègle XI. En mai de l’occitan e del francés, mestrejavan l’alemand, lo rus e l’anglés.
D’autras emissions que faguèron per la television foguèron Rayons X (de 2002 a 2007) e À deux pas du futur (2010 e 2011), e se defendián de las criticas en disent que qualques especialistas èran incapables d'acceptar un ponch de vista atipic.
En junh 2018, foguèron acusats de frauda envèrs persona vulnerabla, suspèctes d’aver aprofechat la vulnerabilitat d'un milionari de 54 ans que se suicidèt en agost d'aquel an. Lo jutjament davant lo Tribunal Correccional de París èra previst per aqueste mes.
Se l'oblida mai amb la mòrt dei dos bessons Bogdanoff si perde tamben 2 locutors d'occitanhttps://t.co/kdGEGbI12S
— OM_Provençau (@om_provencau) January 3, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Que'm sembla los bessons Bogdanoff qu'avèn la lenga "dens l'aurelha" per l'aver entenuda quan èran mainats. Mes n'avèn pas ua vertadièra practica orau de la lenga (qui ne sembla pas tròp coladissa). Un drin com lo François Bayrou quan parla biarnés.
Aquò dit, qu'ei dejà, en se medish, quauquarren d'onorable...
I a engana : Atal ambe lo pelfic semblan mai a de lemosins atupits que non pas gascons alandrits.
#15 En tot cas n'avetz pas trobar l'ironia. Ni lo dusau grat...
#5 @ Joan Marc
Los fraires Bogdanoff èran pas antivaccin. Avián pas pres lo vaccin perque i aviá un empach, aital o a explicat lor avocat.
Podètz pas parlar seriosament de "conariá que tua" en parlant dels fraires Bogdanoff, ja qu'èran pas antivaccins. Avètz pas cap de compassion per doas bessons que venon de morir. E los insultatz.
Dins aquesta discussion, la conariá se tròba dins vòstre cap, Joan Marc.
#8 «Los hrairs Bogdanoff qu'apèravan la loa lenga "patuès" o "gascon".
Que pensi que son estats tuats per occitanistas qui'us sopçonavan de secesionnisme lingüistic.»
Lo hèit de díser "patuès" o "gascon", aquò n'ei pas ua manifestacion de secessionisme lingüistic. Los quites occitanistas que disen, eths medishs, "gascon". E donc? On ei lo vòste problèma?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari