Miquèu Ruby, militant occitanista e ecologista conegut de Frejús (Esterèu), nos quitèt sobde lo 29 de decembre passat dins sos 70 ans. Èra fòrça implicat dins la vida associativa locala, en particular dins los collectius de defensa de la lenga e de l’environament del país.
 
“Ecologista de terren e regionalista de còr, siguèt un referent d’importància dau trabalh de recèrca sus la toponimia de l’Esterèu”, çò rapòrta Lo Cebier. “Contrarotlaire aerian e sòci de l’SNSM, conoissiá lei montanhas, valadetas e plantas de l’encontrada. Sei cendres seràn estralhats en mar per sei collègas. Es una pèrda granda per Provença e seis amics, fòrça conoissut de totei per son gentum e sa dubertura d’esperit”, çò apond la revista provençala.