Actualitats
Las Filipinas enebisson lo maridatge dels menors
En aquel archipèla d’Asia del Sud-Èst, una dròlla sus sièis es maridada abans l’atge de 18 ans
Tèxte legit
Qui que siá qu’espose una persona menora, o demorarà en concubinatge amb ela, o favorizarà d’un biais o d’un autre d’unions aital, serà desenant menaçat de dotze ans de preson, çò rapòrta Le Monde.
Los maridatges de personas menoras son desenant enebits dins las Filipinas mercés a l’adopcion d’una lei promulgada dempuèi lo 6 de genièr. Lo tèxt precisa que ‘‘l’estat [...] considèra que lo maridatge d’enfant es una practica maltractanta envèrs los menors, perque avilís, degrada e abaissa la valor intrinsèca e la dignitat de l’enfant.’’
En aquel archipèla d’Asia del Sud-Èst, una gojata sus sièis es maridada abans l’atge de 18 ans. Plan International, una associacion de defensa dels dreches dels menors, basada al Reiaume-Unit, e que s’es engatjada per qu’aquela lei siá adoptada, situa las Filipinas a la dotzena plaça per çò qu’es dels maridatges d’enfants.
Desenant, qui que siá qu’espose una persona menora, o visca en concubinatge amb ela, pòt èsser condemnat a 12 ans de preson. Segon lo govèrn filipin, la lei es confòrma a las convencions internacionalas relativas als dreches de las femnas e dels menors.
Mai de 500 millions de femnas maridadas menoras dins lo Mond
“Aquela practica a de consequéncias grèvas sus tota la vida dels menors concernits, gojatas e tanben gojats. Aquò los expausa mai a las violéncias, fisicas, psicologicas e sexualas, e a la privacion d’educacion’’, çò explica la directritz de Plan International per las Filipinas. Ça que la, es previst un periòde de transicion per que totas las comunautats de l’archipèla s’adapten a la novèla lei.
Actualament, mai de 500 millions de joventas e femnas son estadas maridadas dins lor enfança. S’enregistra las taxas pus fòrtas en Africa subsahariana e en Asia del Sud, segon un rapòrt de l’UNICÈF publicat en 2021. Totun, de donadas recentas fan veire qu’aquela mena de practica es a demesir.
Los maridatges de personas menoras son desenant enebits dins las Filipinas mercés a l’adopcion d’una lei promulgada dempuèi lo 6 de genièr. Lo tèxt precisa que ‘‘l’estat [...] considèra que lo maridatge d’enfant es una practica maltractanta envèrs los menors, perque avilís, degrada e abaissa la valor intrinsèca e la dignitat de l’enfant.’’
En aquel archipèla d’Asia del Sud-Èst, una gojata sus sièis es maridada abans l’atge de 18 ans. Plan International, una associacion de defensa dels dreches dels menors, basada al Reiaume-Unit, e que s’es engatjada per qu’aquela lei siá adoptada, situa las Filipinas a la dotzena plaça per çò qu’es dels maridatges d’enfants.
Desenant, qui que siá qu’espose una persona menora, o visca en concubinatge amb ela, pòt èsser condemnat a 12 ans de preson. Segon lo govèrn filipin, la lei es confòrma a las convencions internacionalas relativas als dreches de las femnas e dels menors.
Mai de 500 millions de femnas maridadas menoras dins lo Mond
“Aquela practica a de consequéncias grèvas sus tota la vida dels menors concernits, gojatas e tanben gojats. Aquò los expausa mai a las violéncias, fisicas, psicologicas e sexualas, e a la privacion d’educacion’’, çò explica la directritz de Plan International per las Filipinas. Ça que la, es previst un periòde de transicion per que totas las comunautats de l’archipèla s’adapten a la novèla lei.
Actualament, mai de 500 millions de joventas e femnas son estadas maridadas dins lor enfança. S’enregistra las taxas pus fòrtas en Africa subsahariana e en Asia del Sud, segon un rapòrt de l’UNICÈF publicat en 2021. Totun, de donadas recentas fan veire qu’aquela mena de practica es a demesir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
“Aquela practica a de consequéncias grèvas sus tota la vida dels menors concernits, gojatas e tanben gojats. Aquò los expausa mai a las violéncias, fisicas, psicologicas e sexualas, e a la privacion d’educacion’’. E s'aquelas femnas son maridadas de fòrça a d'òmes que non vòlon, mas sonque un còp vengudas adultas, aquò ven mens grèu ? Ieu, tròbi aquò au pauc près aitant revoltant.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari