Actualitats
Cazacstan: “Totes los camps d’aqueste conflicte son corromputs”
Parlam amb un ciutadan cazac que nos explica cossí se viu la situacion sus plaça
Tèxte legit
Lo president de Cazacstan, Kasim-Jomart Tokaiev, assegura que la situacion al país es contrarotlada e atribuís la revòlta ciutadana a un “còp d’estat” amb intervencion estrangièra. O a dich dins una videoconferéncia amb sos aliats de l’Organizacion del Tractat de Seguretat Collectiva (OTSC), integrada per Russia, Armenia, Bielorussia, Tatgiquistan, Quirguiztan e Cazacstan. A mai, Tokaiev a dich qu’arrestariá totas las personas implicadas e assegura que n’a ja arrestadas 8000. De son latz, lo president de Russia, Vladimir Putin, a avertit qu’empachariá las ingeréncias estrangièras dins los païses de son influéncia.
Mentretant, e mai l’accès a Internet siá blocat, la redaccion de Jornalet avèm capitat a parlar amb un ciutadan cazac sus plaça, que preferís de demorar dins l’anonimat. Son testimoniatge nos sembla d’èsser interessant:
Per ara, los mèdias internacionals assabentan d’almens 164 personas mòrtas dins las protèstas, dont 16 foncionaris de l’estat. Cal dire que Tokaiev comandèt de “tirar per tuar” dins l’estat d’emergéncia en vigor fins al 19 de genièr. Lo cobrifuòc demòra entre 23h e 7h.
De confessions extorquidas
La polícia cazaca auriá maltractat fòrça detenguts fins al ponch de lor far confessar qu’èran “pagats per desestabilizar l’estat”, çò explica sus YouTube Vikram Ruzahunov, un famós cantador de Quirguizistan que li aurián fach reconéisser qu’auriá encaissat 100 dolars per de talas accions. Dins son vidèo, ont se mòstra tanben la confession enregistrada per la polícia, lo cantador quirquiz assegura que li fa pas mestièr l’argent e que s’interèssa pas a las protèstas dels cazacs.
Mentretant, e mai l’accès a Internet siá blocat, la redaccion de Jornalet avèm capitat a parlar amb un ciutadan cazac sus plaça, que preferís de demorar dins l’anonimat. Son testimoniatge nos sembla d’èsser interessant:
«Abans tot, vòli explicar un pauc l’istòria. Nòstre primièr president, Nursultan Nazarbaiev, obtenguèt lo poder jos l’Union Sovietica en 1989 coma cap de la Republica Socialista Sovietica de Cazacstan. Après la casuda de l’URSS, venguèt president de Cazacstan. Foguèt un dictador classic, que falsificava lo resultat de las eleccions e que redactèt el meteis una Constitucion. Entre los ans 2000 e 2010, nòstra economia cresquèt e, per tant, lo pòble aguèt pas l’èime de protestar. Totun, en 2010, lo pòble s’emmalicièt contra lo president e i aguèt de protèstas que foguèron lèu reprimidas per la polícia.
En 2019, Nursultan Nazarbaiev decidiguèt de nomenar oficialament un de sos foncionaris mai leials, Kasim Jomart Tokaiev, coma president del temps qu’el, Nazarbaiev, veniá lo cap del Conselh de la Seguretat, un organisme estatal que supervisa la polícia, los servicis de recèrca e l’armada. Totes pensavan que lo segond president, Kasim Jomart Tokaiev, èra un politician flac; totes pensavan que d’autres politicians prendrián sa plaça lo jorn que moririá Nursultan Nazarbaiev.
Al començament de 2022, esclatèron de protèstas dins la pichona vila de Janaozen contra l’aument dels prèses del gas. Qualques jorns apuèi, gaireben totas las vilas jonguèron la protèsta. Aicí cal soslinhar que jamai tant de mond avián pas manifestat dins los 30 ans d’independéncia de Cazacstan. Dins totas las vilas, las protèstas se tenguèron mai o mens sens victimas, a l’excepcion de ma vila natala, Almati, ont se cremèt de veituras de polícia, s’incendièt d’edificis administratius, se pilhèt de botigas, etc.
Dempuèi lo 6 de genièr, lo govèrn a barrat Internet dins tot lo país. Òc, Internet es fòrça centralizat, malgrat qu’aicí siá quicòm de fòrça modèrne. Comprenèm pas gaire çò que se passa aicí. Qualques unes pensan que lo primièr president es mòrt e que sos confidents luchan contra lo segond. O ben que las protèstas massissas an portat de desacòrdis dins lo govèrn. Cossí que siá, l’actual president se bat contra los pretendents.
Dobti qu’aquesta situacion siá bona pel pòble, perque totas las parts d’aquel conflicte sortisson del cercle del primièr president. Totas son corrompudas. I a quicòm que truca dins las protèstas. E mai sián estadas espontanèas, es evident que las an pas organizadas de fòrças democraticas. Dos o plusors clans an organizat o se son servits de las protèstas per lors interèsses.
De mençonar que l’OTSC a mandat un contingent d’aperaquí 3000 òmes armats al país. L’OTSC es oficialament un analòg de l’OTAN, que compta divèrses païses de l’anciana URSS. De fach, aquela accion demòstra solament que Putin sosten lo president Tokaiev, perque, tot comptat e rebatut, l’OTSC es solament un club de dictators que lo dirigís Russia.
Ara, après las protèstas nos podèm trobar dins la meteissa situacion que Bielorussia, ont après las protèstas de 2020 i aguèt de represalhas encara mai fòrtas de la part de Lukashenko.»
En 2019, Nursultan Nazarbaiev decidiguèt de nomenar oficialament un de sos foncionaris mai leials, Kasim Jomart Tokaiev, coma president del temps qu’el, Nazarbaiev, veniá lo cap del Conselh de la Seguretat, un organisme estatal que supervisa la polícia, los servicis de recèrca e l’armada. Totes pensavan que lo segond president, Kasim Jomart Tokaiev, èra un politician flac; totes pensavan que d’autres politicians prendrián sa plaça lo jorn que moririá Nursultan Nazarbaiev.
Al començament de 2022, esclatèron de protèstas dins la pichona vila de Janaozen contra l’aument dels prèses del gas. Qualques jorns apuèi, gaireben totas las vilas jonguèron la protèsta. Aicí cal soslinhar que jamai tant de mond avián pas manifestat dins los 30 ans d’independéncia de Cazacstan. Dins totas las vilas, las protèstas se tenguèron mai o mens sens victimas, a l’excepcion de ma vila natala, Almati, ont se cremèt de veituras de polícia, s’incendièt d’edificis administratius, se pilhèt de botigas, etc.
Dempuèi lo 6 de genièr, lo govèrn a barrat Internet dins tot lo país. Òc, Internet es fòrça centralizat, malgrat qu’aicí siá quicòm de fòrça modèrne. Comprenèm pas gaire çò que se passa aicí. Qualques unes pensan que lo primièr president es mòrt e que sos confidents luchan contra lo segond. O ben que las protèstas massissas an portat de desacòrdis dins lo govèrn. Cossí que siá, l’actual president se bat contra los pretendents.
Dobti qu’aquesta situacion siá bona pel pòble, perque totas las parts d’aquel conflicte sortisson del cercle del primièr president. Totas son corrompudas. I a quicòm que truca dins las protèstas. E mai sián estadas espontanèas, es evident que las an pas organizadas de fòrças democraticas. Dos o plusors clans an organizat o se son servits de las protèstas per lors interèsses.
De mençonar que l’OTSC a mandat un contingent d’aperaquí 3000 òmes armats al país. L’OTSC es oficialament un analòg de l’OTAN, que compta divèrses païses de l’anciana URSS. De fach, aquela accion demòstra solament que Putin sosten lo president Tokaiev, perque, tot comptat e rebatut, l’OTSC es solament un club de dictators que lo dirigís Russia.
Ara, après las protèstas nos podèm trobar dins la meteissa situacion que Bielorussia, ont après las protèstas de 2020 i aguèt de represalhas encara mai fòrtas de la part de Lukashenko.»
Per ara, los mèdias internacionals assabentan d’almens 164 personas mòrtas dins las protèstas, dont 16 foncionaris de l’estat. Cal dire que Tokaiev comandèt de “tirar per tuar” dins l’estat d’emergéncia en vigor fins al 19 de genièr. Lo cobrifuòc demòra entre 23h e 7h.
De confessions extorquidas
La polícia cazaca auriá maltractat fòrça detenguts fins al ponch de lor far confessar qu’èran “pagats per desestabilizar l’estat”, çò explica sus YouTube Vikram Ruzahunov, un famós cantador de Quirguizistan que li aurián fach reconéisser qu’auriá encaissat 100 dolars per de talas accions. Dins son vidèo, ont se mòstra tanben la confession enregistrada per la polícia, lo cantador quirquiz assegura que li fa pas mestièr l’argent e que s’interèssa pas a las protèstas dels cazacs.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Corromput =>> abordit
La corupcion, la dictatura, la frauda electorala quò es plan coneigut que quò es totjorn a l'estrangier qual que sia lo pais, jamais en França.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari