Es ara oficial: la futura “Maison du Dessin de Presse et du dessin satirique” s’implantarà pas a Lemòtges ni a Sent Just lo Marteu (País de Vinhana) mas… a París. La decision foguèt presa pel president de la Republica francesa el meteis. E lo president del conselh departamental de Nauta Vinhana n’es fòrça emmaliciat. Denoncièt un “mesprètz de mai envèrs los territòris rurals”. D’efièch, segon lors defensors, Lemòtges e Sent Just lo Marteu avián tota la legitimitat per aculhir un tal establiment, essent que “’quò fai 40 ans qu’organizam un eveniment sus lo subjecte. Reçaubem 250 dessenhaires a chasca edicion. Sem internacionalament reconeguts”, çò afortís Guy Hennequin, copresident del Salon International del Dessenh de premsa e d’umor de Sent Just lo Marteu, dont l’edicion se ten cada an a la fin de setembre. A mai, los organizaires possedisson ja un fons d’environ 10 000 dessenhs de premsa, totes originals, porgits per d’illustrators del mond entièr, e 30 000 revistas e jornals.
 
 
En causa, lo centralisme parisenc
 
Segon Guy Hennequin, se seriá pogut dobrir lo musèu a Lemòtges, en ligam amb lo festenal de Sent Just, que se tròba pas qu’a 10 km. “Un centre a París focalizariá tota l’atencion, fau renforçar los territòris”, deplora Guy Hennequin, que denóncia “lo centralisme parisenc que ‘resta pas d’estofar las energias localas”. La legitimitat istorica -lo festenal existís dempuèi 1982, foguèt iniciat per Gérard Vandenbroucke, president de la comunautat urbana de Lemòtges e conselhièr regional (mòrt en 2019)-, lo consens de totas las personalitats politicas e l’engatjament dels benevòls an pas pro pesat fàcia al “tropisme parisenc”.


De rasons practicas e simbolicas
 
Segon l’Elisi, la causida del capluòc francés s’es impausada per de rasons practicas e simbolicas. “París, ont aguèt luòc l’atemptat de Charlie Hebdo, es lo còr batent de la premsa e del dessenh de premsa, es tanben en Illa de França que foguèt assassinat Samuel Paty…”, çò rapòrta Le Monde. 
 
 

Déçu | Cette décision ne remet pas en cause le projet Jidé - Saint-Just-le-Martel développé par la @NvelleAquitaine. Je poursuivrai le travail de Gérard Vandenbroucke et je ne laisserai pas tomber Saint-Just-le-Martel. Le travail sera poursuivi avec les collectivités et la DRAC pic.twitter.com/W3cOhPy56d

— Alain Rousset (@al_rousset) January 11, 2022

 

Choix #parisianiste, décentralisation ratée !
Saint-Just-le-Martel, accueille depuis 38 ans le Salon international de la caricature, du dessin de presse et d'humour... #investissement des bénévoles méprisés ! pic.twitter.com/VKRgMHOXch

— Mezille Nathalie (@MMezille) January 11, 2022

 

Elysabeth Bénali-Léonard, vice présidente du Centre du dessin de presse de Saint-Just-le-Martel via @FBLimousinhttps://t.co/TzZyBWceiF

— Centre Int.Dessin de Presse Saint Just Le Martel (@CIDHStJust) January 12, 2022

 

L'annonce du site retenu pour la création d'une Maison européenne du dessin de presse serait imminente par le chef de l'État. Le Limousin est demandeur et porte un projet solide mais #Paris et le centralisme culturel tiendraient la corde. Incompréhension à Saint Just le Martel. pic.twitter.com/GcqjJdc7HK

— CARRIERE Jérôme (@CARRIEREJerome) January 11, 2022