Aluki Kotierk, que participa a un grop de trabalh de l’ÒNU sus la preservacion de las lengas autoctònas, demanda que la lenga inuit siá oficiala en tot Canadà al meteis nivèl que l’anglés e lo francés, çò rapòrta Radio Canada. De soslinhar que dempuèi 2013 aquela oficialitat es en vigor al territòri de Nunavut, ont la lenga es parlada pel 70% dels abitants. Jos la denominacion de “lenga inuit” se reconeis doas varietats: l’inuktitut (parlat per la majoritat dels inuits del territòri) e l’inuinaqtun.
 
Segon l’UNÈSCO, la majoritat de las 90 lengas autoctònas parladas en Canadà son consideradas en via de desaparicion. Per aquela rason, Kotierk assegura que se sa proposicion foguèsse acceptada, i auriá de ressorsas adeqüatas per sosténer la lenga inuit e mai totas las autras lengas.
 
Kotierk es una representanta inuit al Grop de trabalh mondial de l’UNÈSCO, que cèrca de reviscolar e protegir las lengas autoctònas del Mond entièr, menaçadas coma fòrça lengas autoctònas en Canadà. Per ara, coneissèm pas cap d’accion envèrs l’occitan.

 

Inuktitut is an official language in Canada and its time to update constitution; adequate resources needed now to support Inuktitut says Aluki Kotierk, president of Nunavut Tunngavik Inc and Inuit representative on the UNESCO task forcehttps://t.co/Cbb6xF90mp

— NunavutWatch (@NunavutWatch) January 13, 2022

 

Inuit children have the right to be educated in Inuktitut says Nunavut's MP Lori Idlout and NTI President Aluki Kotierk https://t.co/zaFNkXCZQH via @CTVNews

— NunavutWatch (@NunavutWatch) January 12, 2022