CAPÇALERA PAIS INVISIBLE

Actualitats

EscòlaPolitica

Los ensenhaires de l’estat francés en cauma contra la gestion de la pandemia

Protèstan contra las nòvas mesuras per gerir l’actuala èrsa de la covid, contra la manca de mejans e los cambiaments constants de protocòls

| @RevPermanente

Tèxte legit

Los ensenhaires de l’estat francés se mobilizèron dijòus passat dins una jornada de cauma plan reüssida, una de las mobilizacions sectorialas del màger impacte aquestas darrièras annadas. Se protèsta contra las nòvas mesuras per gerir l’actuala èrsa de la covid, contra la manca de mejans contra lo virus e los cambiaments constants de protocòls. Lo darrièr, instaurat lo 3 de genièr passat, es considera fòrça confús e laxista. Tanben se revendica la distribucion als ensenhaires de mascas cirurgicalas e FFP2 e que se faga sistematicament un provament preventiu per setmana.
 
La mobilizacion la sosten la majoritat dels ensenhaires, jonches per de caps d’establiments, d’inspectors e lo personal tecnic, e a tanben recebut lo supòrt de las associacions dels parents qu’avián cridat a mandar pas los escolans en classa. Mai de la mitat de las escòlas foguèron barradas e de manifestacions se tenguèron dins las principalas vilas de l’estat. De son caire, la FÈLCO aviá cridat los ensenhaires occitanistas a participar a las manifestacions en occitan.
 
Totun, lo ministre de l’educacion, Jean-Michel Blanquer, luènh d’acceptar las criticas, planh que “se caricature las evolucions” dins los protocòls anticovid, çò diguèt dimècres dins una sesilha de contraròtle al Senat francés, en tot insistir sul besonh de manténer las escòlas dobèrtas. Segon l’editorial de Libération, Blanquer se manifèsta “aproximatiu dins sas decisions, rigid dins son actitud” e “a pas sauput prene en compte las realitats de la vida vidanta de la comunautat educativa que se mobiliza massissament”.
 
A mai, la tension amb los ensenhaires a pojat après que lo quite pòrtavotz del govèrn francés, Gabriel Attal, declarèt que l’executiu sosteniá Blanquer.
 
 

 




abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
7.

#6
A ! Es vertat que los ussards de la pensada unenca, fabricaires de carn de canon, aquò òc èra quicòm !

  • 1
  • 1
UGN / Ugène Auvernha
6.

#4 Tu lo leiçonaire gauchista patentat (que tots los jorns nos ven contar son catecheime) que me ven parlar d'esperit critic ? Si  ieu me pense que los ensenhaires son venguts de fug‑l'òbra qu'an ren  pus de veire embé los valhents ussards de quauque temps... o‑dirai, memament que s'acordèsse pas ges embé la retorica roja de tu mai ton jornau... #BonaPensada #OkBoomer

  • 8
  • 4
sindicat
5.

Formacion sindicala pels professors de catalan e d'occitan de las academias de Tolosa e Montpelhier
https://fsu11.fsu.fr/langues-regionales-stage-fsu-occitanie-jeudi-17-fevrier-a-montpellier/

  • 11
  • 1
Franc Bardòu
4.

#3 Insultar las gents non fa d'eles çò que dises que son. Lo mai clar del temps, dels professors actuals (e passats) èran d'escolans de primièra borra e o son demorats fins a l'obtencion de lor concors. Se tròbas repausat de far lo professor, passa ton BAC+5 e vai t'i far. Despuèi 1957, los oraris de trabalh non an jamai cambiat : per una ora d'ensenhament, son una ora e mièg de preparacion, de recèrca e de correccions. Fasèm 18 oras de corses davant los escolans, siá 45 oras de trabalh cada setmana obrada. E non te parli de las oras passadas en veitura a córrer d'un establiment a un autre. Ni non te parli tanpauc de las condicions de trabalh, l'article ne tòca un o dos mots. Assatja de far trabalhar collegians 8 setmanas de reng e, a aqueste moment, fai-lor saltar las doas setmanas de pausa : 10 setmanas trabalhas après las 8 primièras, tas classas semblaràn mai un lava-farda en fonccion "eissauratge" qu'a l'idèa que te fas d'una classa…

Los professos t'an aprés a legir, a escriure, a comptar e a te fargar una opinion critica argumentada e justificada. Mas visiblament, sul darrièr punt, s'i son un pauc mancats. Mas benlèu non èras tanpauc lo mai valentàs o t'i exercir plan coma o te recomandavan… E mai que de pensar, debanas tos prejutjats nècis e passits.

  • 21
  • 8
UGN Auvernha
3.

Segur que la conducta de crise per lo gouvernament es franc mauvasa... Ne'n sèm totes  conscients  ! Mas quelos fenhants d'ensenhants aurián de tota façon trobat quicòm per se botar a la chauma... Aquò n'en sèm totes conscients tanben ! Aquò comenqua de se veire...

  • 11
  • 20

Escriu un comentari sus aqueste article