Actualitats
Lo govèrn de Quebèc vòl far pagar una contribucion sanitària als antivaccins
E mai sián pas qu’un 10% dels ciutadans, mai de la mitat dels espitalizats per la covid-19 son pas vaccinats
Tèxte legit
Se solament un 10% de la populacion quebequesa que se pòt vaccinar a refusat lo vacin, mai de la mitat, ça que la, de las personas espitalizadas per la covid-19 son non vaccinadas. A mai, la situacion es tala que qualques espitals de Montréal an començat de reportar qualques actes cirurgicals.
La proposicion del govèrn de Legault es que los que refusarián lor primièra dòsi dins las setmanas avenidoiras paguen una contribucion sanitària que serà pas inferiora a 70 èuros. Totun, las personas que se pòdon pas vaccinar per de rasons medicalas ne son exemptadas.
Qualques partits de l’oposicion se son opausats a l’iniciativa. Lo Partit Conservator de Quebèc acusa lo primièr ministre de “devesir los quebequeses” del temps que l’esquèrra de Quebèc Solidari critica que la mesura “oblida de tot en tot los mai vulnerables”. Quant al Partit Liberal de Quebèc, qu’es per lo vaccin obligatòri, demanda un debat sus la mesura perque “pausa de questions eticas”.
Un grop de ciutadans antivaccins assegura que las donadas que rapòrta lo govèrn son falsas e qualifica l’impòst de “guèrra psicologica”. Per aquelas rasons, an dich que denonciarián lo govèrn de Quebèc en justícia se s’apliquèsse la mesura.
La varianta omicron se detectèt en Canadà fa aperaquí una quarantena de jorns. Durant aqueste temps s’es reportat mai de cases de covid que pendent tot l’an 2020.
Le premier ministre, accompagné du ministre de la Santé et des Services sociaux, du ministre de l’Éducation et du directeur national de la santé publique par intérim, fait le point sur la situation sanitaire.
— François Legault (@francoislegault) January 13, 2022
Suivez notre diffusion en direct https://t.co/rgH9Oww47J
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas grand monde qu’o diguèt mas remarquèri que Legault donèt pas de chifras comptablas sus lo còst real dels non-vaccinats e dels vaccinats per provar sos dires. Parlèt solament d’una opinion personala e de sas visions politicas...
I a un autre detalh qu’es interessant : lo govèrn quebequés parla pas de far pagar los còstes d’espitalizacion als non-vaccinats (es a Singapor que fan aquò) mas de los taxar per que exercisson lors dreches dins un encastre legal que declara pas la vaccinacion obligatòria. L’argent es una excusa, lo fons de l'istòria es de punir los caputs que vòlon pas se corbar e qu’an encara la lei amb eles...
Tot aquò es dich dins una infantilizacion completa dels opausants a la tripla vaccinacion: son punits per lor ben, perqué an pas comprés que la vaccinacion es tras que bona per eles...e amb un brave tust sul cap, encaparàn mai.
Cal pasmens saber que la Bèla Província es un dels Estats mai violentament engatjat contra las libertats individualas pendent la pandémia e lo govèrn confessa aisidament que sas mesuras son «radicalas» : a l’ora d’ara i a encara cubrifòc, embarrament, barradura dels restaurants e de las escòlas, multas de 1 000 a 6 000 dollars se te passejas de nuèch...alara que mai de 90% son vaccinats (en general triplament).
S'a de levar lo virus coma las malas erbas que creissen durant ans en los jardins e orts. Cal levar la que perjudica a las altras e las mata. En la grafia occitana es faguet una gran neteja e lo resultat foguet una grafia preciosa coma la dels trobadors, ara cal fer lo mateiss amb la fonetica perquè quedi bela e ben conservada e pas afectada pel virus del dialectalisme. Escoltatz Nissa Pantai e veirets lo ben que sona.
#2 Pas de vaccin, mais un mejan hèra simple d'estar pas contaminat : utilizar un preservatiu. Refusar d'utilizar un preservatiu èra coma voler estar pas vaccinat, levat que la contaminacion es quasi-automatica. Lo JMLP s'es pas privat d'ac hèr saber.
los non-vaccinats an una responsabilita suls la despensa per lors soenhs ... per lo SIDA qu'es pas parier :avián pas lo vaccin ...
Lo quite Jean-Marie Le Pen, en 1987, denonciava los "sidaïques" que costavan "entre 500.000 e un milion de francs" a l'Estat francés, mes avèva pas gausat perpausar una mesura atau.
De mès, una persona pas vaccinada e qu'es pas malauta, o qu'a gahat lo covid mes leugèrament (ne coneishi) deveré pagar, perdequé ?
Caminam suu cap vertadièrament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari