Actualitats
La fortuna dels dètz òmes pus rics del Mond a doblat dempuèi lo començament de la pandemia
Lo rapòrt d’Oxfam parla de“violéncia economica” que s’acarna mai que mai sus las femnas, suls enfants, sus las personas en situacion d’exclusion e las victimas del racisme
Tèxte legit
Entitolat “Las inegalitats tuan”, lo rapòrt se publiquèt diluns passat a l’ocasion del Forum Economic Mondial de Davos. Conclutz que luchar contra las inegalitats evitariá la mòrt de 21 000 personas per jorn, çò es d’una persona cada 4 segondas. “Se tracta d’estimacions basadas sul nombre de mòrts causadas dins lo Mond entièr per manca d’accès a de servicis de santat, per la violéncia de genre, la famina e la crisi climatica”, çò precisa lo director de l’ONG, Franc Cortada. “S’aqueles dètz òmes perdèsson deman lo 99,999% de lor riquesa, serián encara mai rics que lo 99% de las personas de la planeta”, çò assegura. “Eles amolonan sièis còps mai de riquesa que los 3,100 miliards de personas mai pauras del Mond ensems”.
Çò de mai esglasiant es que l’ONG detalha que, dempuèi lo començament de la pandemia, los miliardaris an aumentat lor fortuna de cinc bilions de dolars. Aquò representa mai d’argent que lo qu’avián amolonat dins las catòrze annadas precedentas: “S’agís de l’aument pus grand de la riquesa dels miliardaris dempuèi que n’i a de registres”.
La rason, segon Cortada, es que “del temps que las bancas centralas e los govèrns injectavan de bilions de dolars per salvar l’economia, una granda part d’aquel argent es anat dins las pòchas dels mai rics qu’an beneficiat del vam dels mercats borsièrs e d’autres actius”.
L’ONG sosten que la pandemia a mes en evidéncia las inegalitats e la “violéncia economica” que s’acarna mai que mai sus las femnas, suls enfants, sus las personas en situacion d’exclusion e las victimas del racisme. Cada nòva èrsa de la covid-19 fa aumentar los trabalhs de suènhs non pagats que pesan sustot sus las femnas e suls enfants.
A mai, l’ONG remembra que la crisi climatica menaça lo benèsser dels ciutadans, mai que mai de las personas mai vulnerablas, e precisa que las emissions de CO2 de l’1% dels rics despassan lo doble de las emissions de la mitat dels paures de la planeta.
EXCLUSIF - La fortune des milliardaires a plus augmenté en 19 mois de pandémie qu’en une décennie. C’est ce que révèle le nouveau rapport d’Oxfam !
— Oxfam France (@oxfamfrance) January 16, 2022
Dans le même temps, les pauvres sont encore plus pauvres. #StopInégalités
À lire https://t.co/eYY2SpAXBjpic.twitter.com/dHNxJfF0U2
Billionaires added $5 trillion to their fortunes during the pandemic, according to Oxfam, exacerbating economic inequality as the pandemic pushed millions of people around the world into povertyhttps://t.co/61ZNaJAyCc
— CNN International (@cnni) January 17, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo melhor es lo Socialisme democràtic, naturalment que non me referesc a la social democracia europea.
#5 E enquèra, pendent aquestas 12 annadas de sociau-democracia, que cau tirar las annadas 1986 a 1988 qui corresponen a ua perioda de coabitacion, gavidada per un govern de dreta.
Los qui marronan lo mei contre l'estat despulhador que son los a qui demora lo mei de moneda un còp pagadas las taxas.
Que se n'ane véder aulhors se l'èrba ei mei beròja o saborosa lo "gelosia". E sustot ne'u voi pas véder tornar-se'n quan aja besonh de's har suenhar o de beneficiar de prestacion sociaus que n'averà pas dens los son meravilhós eldorado desliurat de la tirania socialista.
#3 Avem conegut 12 ans de socialisme (1 govern de 81 à 88 et un autre de 1997 a 2002) et d'esquerra en França dempuei 1792 et la primieira respublica et se troba encara a romegar sus lo socialisme ?
#2 Es la meteis chosa, d'un costat o d'un autre n'ai un aporte de molon d'argent que aumenta lo capital o d'argent que fa montar unas empresas o d'ajuda d'estat amb molon d'argent per soportar dificultats o ajudar a la competicion per exemple.
Fransa es venguda un país meravilhós, pensatz 483 taxas menadas per l'estat despolhador, ne sèm a taxar las cajarròcas d'òrt.
Val mai s'espatriar, n'avèm pron tastat del socialisme, daissa pas un bon un sap !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari