Actualitats
L’ÒPLO renovèla las ajudas a las escòlas per abonar Òc VOD
Amb mai de 20 000 connexions per an, aquel Netflix occitan arriba a mai d’800 escòlas
Tèxte legit
L’Ofici Public de la Lenga Occitana (ÒPLO) ven de renovelar l’operacion dicha “l’ÒC en VOD” que consistís en un copon de reduccion a las escòlas de primièr gra qu’ensenhan l’occitan per que s’abonen a la plataforma de filmes doblats en occitan, Òc VOD. Gràcias a aquela operacion, fins ara 800 escòlas an beneficiat d’aquel servici considerat coma lo Netflix occitan.
Lançada en 2020, la plataforma Òc VOD a conegut en un an un veritable estrambòrd del public occitanofòn e dels qu’aprenon la lenga, amb mai de 20 000 connexions. Lo catalòg es enriquit regularament e se compausa uèi de desenas d'oras de contenguts e de près de 200 títols.
Aquesta plataforma permet lo visionatge en streaming de l’integralitat de gaireben tot lo catalòg de filmes, dessenhs animats e sèrias en occitan.
Lançada en 2020, la plataforma Òc VOD a conegut en un an un veritable estrambòrd del public occitanofòn e dels qu’aprenon la lenga, amb mai de 20 000 connexions. Lo catalòg es enriquit regularament e se compausa uèi de desenas d'oras de contenguts e de près de 200 títols.
Aquesta plataforma permet lo visionatge en streaming de l’integralitat de gaireben tot lo catalòg de filmes, dessenhs animats e sèrias en occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 L'edicion en òc a besonh de degun per s'escanar tota sola. A fòrça d'esperar las subvencions e de tot faire per vendre pas un libre...
Aimariái plan que òc vod siá disponibla sus la television coma netfl.x o spotif., aquò es possible ?
Òsca per aquesta ajuda.
Mas quora se desfairà l'OPLO de sa fòbia per la cultura sus papièr ?
Escanar l'edicion en òc es çò pus marrit que se pòsca far.
La lenga de l'OPLO es pas l'occitan, es la com'. La com' mainstream. La com' bobo. La com' up to date. Alara contunha contentèt e tot fieràs aquesta contribucion a la "com' coma cal" ont l'occitan es pas qu'un esplech sens chuc ni muc. Li portarà segur quauque prèmi d'una jurada parisenca que, coma de justa, se fot reialament d'aquesta "lenga" de provincials endarrierats. Tomba plan, la lenga de l'OPLO es pas l'occitan mas la com', alara...
L'ÒLO, renovèla tanben son interdiccion que la moneda publica occitana servisca a sosténer la prensa literària e informativa en occitan ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari