capçalera campanha

Actualitats

InternacionalIstòriaPoliticaSocietat

Un notari josieu auriá revelat als nazis l’amagatal d’Anne Frank

Arnold van den Bergh auriá liurat als nazis una lista dels amagatals de josieus d’Amsterdam per salvar sa vida e la de sa familha

| Anne Frank House

Tèxte legit

Un notari josieu auriá “plan probablament” dich als nazis ont èran amagadas Anne Frank e sa familha, segon una enquista que venon de publicar de mèdias neerlandeses. Segon aquela nòva informacion, un certan Arnold van den Bergh auriá liurat als nazis una lista dels amagatals de josieus d’Amsterdam per salvar sa vida e la de sa familha.
 
Van den Bergh fasiá partida del Conselh Josieu e, per tant, aviá per el fòrça contactes que l’ajudèron a èsser protegit de la deportacion dins los camps de concentracion. Ça que la, en 1944 perdèt aquela proteccion e, aparentament per desespèr, revelèt los amagatals per salvar sa femna, sos tres enfants e el meteis.
 
L’enquista actuala l’a bailejada Vince Pankoke, un èx-agent de l’FBI, e s’es menada a tèrme dins las darrièras cinc annadas amb de tecnicas modèrnas. Sa pròva principala es una còpia d’una letra anonima que lo paire d’Anne, Otto Frank, recebèt en 1946.
 
La letra originala, ont se mençona lo nom del notari, a desaparegut, mas se n’es trobat una còpia als archius de la vila d’Amsterdam. Los enquistaires an assegurat que jamai non s’èra examinat aquela pista en detalh.
 
La familha Frank s’amaguèt amb d’autres quatre josieus dins un ostal a Amsterdam entre los ans 1942 e 1944. Anne, que nasquèt en 1929 e moriguèt en 1945, i escriguèt son mondialament celèbre jornal.
 
Totes foguèron descobèrts pels nazis en agost de 1944. La familha foguèt deportada dins de camps de concentracion, ont foguèron assassinats. I subrevisquèt sonque Otto Frank.
 
 
 
 
 


 abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
4.

Aquestas informacions non pareissen plan solidas. Cal esperar e tanben cal comprene lo qu' es una dictadura criminala coma la nazi.

  • 8
  • 2
UGN / Ugène Auvernha
3.

#1 L'extrèma dreita es anti‑republicana per natura e vòu tombar la republica... Me diretz quau vòu tombar la republica dinc quelos se portan candidat per èsser president en l'an 2022 ?

  • 4
  • 16
Sintaxi canonica occitana
2.

L̶a̶s̶ ̶c̶i̶n̶c̶ ̶d̶a̶r̶r̶i̶è̶r̶a̶s̶ ̶a̶n̶n̶a̶d̶a̶s̶ > las darrièras cinc annadas...

  • 5
  • 1
Franc Bardòu
1.

Tot legissent aquò, me dire que i a encara de gents per sosténer de poltiician(a)s d'ultradreita a l'ora d'ara…

  • 27
  • 3

Escriu un comentari sus aqueste article