Actualitats
La Cort Europèa dels Dreches Umans rebuta los recorses dels joves d’Altsasu
Es acabat lo percors juridic en Euròpa dels sièis joves bascos, encarcerats dempuèi 2016 per una bagarra nocturna de bar qu’i participèron dos policièrs de la Gàrdia Civila sens unifòrme
Tèxte legit
Un dels sièis condemnats, Iñaki Abad, a fach conéisser la nòva suls rets socials. “Davant l’abandon de las institucions judiciàrias, demòra una societat qu’o a comprés perfièchament”, çò a dich.
Amaia Izko, una de las avocatas dels joves, a plangut a Vilaweb qu’aquel prononciament admeta pas cap d’autre recors. “Es una revirada, mas comptàvem qu’aquò poguèsse arribar. Lo fach que i aja pas de resolucion sus las irregularitats del procès nos daissa sonque l’analisi critica que la societat a fach de tot çò que se passèt”.
Lo grop Altsasu Gurasoak, format pels parents dels joves condemnats, a deplorada la decision de la cort d’Estrasborg per son poder simbolic. Pasmens, considèran que lèva pas cap de valor a lor denóncia de la granda injustícia de l’afar.
Los joves agotèron tot lo percors juridic dins l’estat espanhòl en 2019. En darrièra instància, la Cort Suprèma ratifiquèt la condemnacion mas rebaissèt leugièrament las penas de preson, d’entre 2 e 13 ans.
Los faches se passèron lo 15 d’octòbre de 2016, a cinc oras del matin. Se tenguèt alavetz una bagarra nocturna de bar dins la vila d’Altsasu (Bascoat) ont dos agents de la Gàrdia Civila sens unifòrme e lors companhas foguèron nafrats. Lo ministèri public acusèt de terrorisme sèt jovents e una joventa.
Encara uèi, la senténcia es fòrça impopulara e las manifestacions que reclaman la libertat dels joves son totjorn fòrça nombrosas.
Tot l’afar se presenta dins un documentari que se projècta uèi a Biàrritz dins l’encastre del festenal internacional Fipa Doc.
|
El las próximas fechas, el documental "#ALTSASU | Gau hura" (@AltsasuDok) se proyectará en los festivales de #Gijón y #Biarritz. #Alsasua
— Altsasu gurasoak (@Altsasugurasoak) January 14, 2022
MUSOC 2022 [Asturies]https://t.co/BGRoHlsx6A
Sábado 15/ENE, 19:30
FIPA DOC [Biarritz]https://t.co/63vq8Yl5db
Jueves 20/ENE pic.twitter.com/asMwgVwsEo
Avui a les 23 al @senseficcio de @tv3cat, “Altsasu (Aquella nit)” @AltsasuDok. Un documental necessari per entendre tot el patiment i lluita de un poble.
— Estitxu, titxu, txu... #AskeIzatekoJaioa (@Amazabal) January 18, 2022
La injustícia no es combat amb silenci #altsasugauhura#AltsasukoakAskehttps://t.co/kjUw2nhB8q
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S' en una localitat non volen veire, pels motius que sigan, a certas personas, per non crear problemas non i an d'anar. No i anaren per question de feina ?
#8 Tè, vaquí un altre mejan per de monde coma tu.
Poton
https://youtu.be/E776XisGHlk
#4 Cresi que coneissètz pas exactament lo dorsièr. L'acusacion de "terrorisme" qu'èra dins l'acte d'acusacion foguèt pas retenguda contra los joves pr'amor que la Justicia poguèt pas provar lo ligam entre los acusats e una organizacion o un fach terrorista.
foguèron condemnats per "atentado a agente de la autoridad y lesiones, agravados con abuso de superioridad y discriminación, y desórdenes públicos y amenazas". E per aquò devon passar entre 2 e 13 ans en preson; sentencias sovent jutjadas desmesuradas dins los estats democratics apasimats.
E puèi, i a la personalitat de la jutja qu'es en causa: es maridada a un colonel de la Guardia Civil, e decorada per aquesta policia. Enfin, tot aquò per dire que per la quita justicia espanhòla son pas terroristas e que los acusats son plan cargats.
#8 La politicia de defensa sistematica de las fòrças de l'òrdre, mai que tot quand oltrapassan los dreits (de la femna e de l'òme) es en se una politica terrorista. La violéncia es illegitima, que siá la de l'estat, la del mercat, la dels medias supremacistas, la dels panaires, la dels violaires, la dels assassins, la dels militars, mas qué volètz, n'i a que pagan, e d'autres, non…
#5 respondetz pas a la question ! Es legitima la violença en França o en Espanha ? Ieu crese pas, i a d'altres mejans per s'exprimir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari