Actualitats
Se Tolosa serà lèu la tresena vila de l’estat francés?
La Ciutat Mondina a passat lo lindal dels 500 000 abitants e, segon lo ritme actual de creissença, pòt venir pus granda que Lion d’aicí a 15 ans
Tèxte legit
Lo recensament annal de la populacion es a se far entre lo 20 de genièr e lo 26 de febrièr dins la Vila Ròsa. Tolosa, qu’a passat lo lindal dels 500 000 abitants, compta 30 000 abitants de mens que Lion mas la rejonh pauc a cha pauc. Al ritme actual, la poiriá trespassar d’aicí a 15 ans, çò rapòrta La Dépêche.
Lo recensament es menat e contrarotlat per l’INSEE (Institut Nacional de l’Estatistica e dels Estudis Economics), en cooperacion amb las comunas concernidas (2650 agents son estats recrutats per las 958 comunas pertocadas dins la region qu’a pres lo nom d’Occitània). L’operacion tolosana portarà sus un escapolon de l'8% de la populacion de la Ciutat Mondina. Lo recensament permetrà tanben de mesurar los efièches de la covid sus la populacion.
La Nauta Garona, primièr departament de l’estat per la progression demografica
La populacion legala de Tolosa (en 2019) es de 493 465 abitants. Mas s’estima que lo cap del mièg milion de tolosans es certanament estat superat uèi. L’INSEE estima ja la populacion de la region qu’a pres lo nom d’Occitània en 2022 a mai de 6 milions d’abitants (6 053 548), dont un quart dels abitants del departament (1 452 055). Dins aqueste departament, l’excedent natural (mai de naissenças que de decèsses) e l’excedent migratòri (mai d’installacions que de partenças) s'amolonan per ne far lo primièr de França (amb Gironda) per la progression demografica (+1,3% per an). La region, venguda la quatrena de França après èsser passada largament davant los Nauts de França (darrièr l’Illa de França, Auvèrnhe-Ròse-Alps e Nòva Aquitània), ganha 41 600 abitants per an, siá l’equivalent d’una vila coma Castras cada annada.
A aquel ritme, se pòt demandar se Tolosa, dont la populacion progrèssa d'un 1,2 % per an dempuèi 2013, e s’es acrescuda d’un tèrç en 50 ans (370 796 tolosans en 1968), es a mand de rejónher e mai trespassar Lion, que compta 522 969 abitants (populacion legala en 2019). Malgrat totas las projeccions que se pòdon far, degun poiriá pas assolidar a l’ora d’ara quora Tolosa vendrà la tresena vila de l'estat francés. En cas que lo ritme actual se perseguisca, caldriá environ 15 ans per que Tolosa venga la tresena vila de l'estat... E d’aicí a 2037, plan de causas pòdon arribar.
Lo recensament es menat e contrarotlat per l’INSEE (Institut Nacional de l’Estatistica e dels Estudis Economics), en cooperacion amb las comunas concernidas (2650 agents son estats recrutats per las 958 comunas pertocadas dins la region qu’a pres lo nom d’Occitània). L’operacion tolosana portarà sus un escapolon de l'8% de la populacion de la Ciutat Mondina. Lo recensament permetrà tanben de mesurar los efièches de la covid sus la populacion.
La Nauta Garona, primièr departament de l’estat per la progression demografica
La populacion legala de Tolosa (en 2019) es de 493 465 abitants. Mas s’estima que lo cap del mièg milion de tolosans es certanament estat superat uèi. L’INSEE estima ja la populacion de la region qu’a pres lo nom d’Occitània en 2022 a mai de 6 milions d’abitants (6 053 548), dont un quart dels abitants del departament (1 452 055). Dins aqueste departament, l’excedent natural (mai de naissenças que de decèsses) e l’excedent migratòri (mai d’installacions que de partenças) s'amolonan per ne far lo primièr de França (amb Gironda) per la progression demografica (+1,3% per an). La region, venguda la quatrena de França après èsser passada largament davant los Nauts de França (darrièr l’Illa de França, Auvèrnhe-Ròse-Alps e Nòva Aquitània), ganha 41 600 abitants per an, siá l’equivalent d’una vila coma Castras cada annada.
A aquel ritme, se pòt demandar se Tolosa, dont la populacion progrèssa d'un 1,2 % per an dempuèi 2013, e s’es acrescuda d’un tèrç en 50 ans (370 796 tolosans en 1968), es a mand de rejónher e mai trespassar Lion, que compta 522 969 abitants (populacion legala en 2019). Malgrat totas las projeccions que se pòdon far, degun poiriá pas assolidar a l’ora d’ara quora Tolosa vendrà la tresena vila de l'estat francés. En cas que lo ritme actual se perseguisca, caldriá environ 15 ans per que Tolosa venga la tresena vila de l'estat... E d’aicí a 2037, plan de causas pòdon arribar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ben ! Li manca pas qu'aquò al conse colleccionaire de casquetas (+ president del conselh metropolitan + naut foncionari de las finanças e qué de mai ?)
Anem, Mondins ! Cap a la segonda plaça !
perqué pensatz tant 'à la française'?
hystoria raymundi :
Tholoza
Tolosa
Toulouse
to loose
Tolosa vai benleu devenir la tresema vila de França per la populacion dau temps qu'alentor lo monde s'en vau. Lo desert uman s'installa dins la nauta Garona, tresqu'en-z_a tot lo territori daus regretats comptes de Tolosa, de Besiers de Narbona e de tot lo revers dau bassin de la Garona.
Tolosa, pais catar, pais catar, pais catar... Tolosa grand sud, grand sud, grand sud... repetavan l'eslogan public.
Tosoa sap mesme pus que dins las annadas 1970 disian " una dròlla en colera es una polida dròla".
E dins lo centre-vila, tertant de monde la nuech coma lo jorn Coma de las fermics las gens van dins un sens, dins l'autre, a dreicha, a esquerra, totjorn preissats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari