La capitala de Norvègia aculhís tres jornadas de convèrsas entre de representants del govèrn taliban de Kabol e divèrses païses per abordar la crisi economica e umanitària que la patís Afganistan. Segon la premsa internacionala, los debats, començats dimenge passat, tractan l’ajuda umanitària, la politica, l’educacion e l’economia dins un encastre ont la famina menaça lo 55% dels afgans, çò es 23 milions de personas en plen ivèrn.
 
Dins las convèrsas, que se tenon a pòrta barrada, los representants del govèrn taliban rescontran de representants de l’ÒNU, de l’Union Europèa, dels Estats Units e de grops civils afgans dont d’associacions feministas e umanitàrias.
 
La ministra dels afars exteriors de Norvègia, Anniken Huitfeldt, diguèt als mèdias qu’aquelas negociacions implicavan pas de reconeissença del govèrn dels talibans, mas “cal dialogar amb las autoritats del país” pr’amor que “se pòt pas permetre que la situacion politica pòrte una catastròfa umana”, çò apondèt.
 
La delegacion dels talibans es dirigida pel ministre de las relacions exterioras, Amir Khan Mutaqqi, que declarèt als mèdias afgans qu’aquelas convèrsas dobririán “la pòrta d’un nòu capítol dins las relacions amb los païses europèus”. Dimècres passat, lo govèrn taliban assegurèt dins un comunicat que la responsabilitat de l’actuala crisi economica e umanitària èra de la comunautat internacionala qu’a suprimit los fonzes per la reconstruccion. Cal dire que pendent los 20 ans d’ocupacion estatsunidenca, de milions d’afgans son estats desplaçats coma migrants o refugiats e que la majoritat de las infrastructuras del país son destruchas o damatjadas.
 
Segon l’Agéncia pel Desvolopament dels Estats Units (USaid), lo 73% de la populacion afgana viu jol lindal de la pauretat, e 6,8 milions de personas se tròban jol risc de famina. De soslinhar que fins a 2019 la mitat del budget afgan proveniá de l’estrange, segon de donadas de la Banca Mondiala.
 
Segon l’ÒNU, cal despensar 5 miliards de dolars per afrontar la crisi economica e umanitària que la patís Afganistan.

 

Stressing that Norway would be “clear about our expectations,” particularly on “girls’ education and human rights,” foreign minister Anniken Huitfeldt said the meetings would “not represent a legitimization or recognition of the Taliban.”

Ah, Scandinavia.https://t.co/gn9nDFfwn1

— Hillel Neuer (@HillelNeuer) January 22, 2022