Actualitats
Lo parlament francés enebís las “terapias” de conversion, “res a garir”
Las practicas aplicadas al collectiu LGBTI per ensajar d’alterar lor orientacion sexuala o lor identitat o expression de genre son desenant un delicte punit de preson
Tèxte legit
“Siam-ne fièrs”, çò a dich Macron a prepaus de l’aprobacion de la lei. “Aquelas practicas indignas an pas lor plaça dins la Republica. Pr’amor qu’èsser se meteis es pas un crime, pr’amor que i a pas res a garir”.
Lo projècte de lei s’èra ja aprovat a l’Assemblada Nacionala francesa lo 5 d’octòbre passat e es passat pel Senat, que i a ajustat que las simplas invitacions a la prudéncia e a la reflexion adreiçadas a una persona que vòl far un cambiament de sèxe sián pas castigadoiras segon aquela nòva infraccion. Per tant, dimars passat s’aprovèt a l’Assemblada Nacionala francesa lo tèxt definitiu, totjorn a l’unanimitat.
Aquelas “terapias” que pretendon de “garir” los LGBT son pas gaire conegudas en França e son de mal quantificar. En 2019, la deputada Laurence Vanceunebrock (LREM) e lo deputat Bastien Lachaud (LFI) raportèron “una centena de cases recents”, en tot exprimir lor alarma davant “l’aument de las denóncias”.
D’aquelas “terapias” n’i a de religiosas, amb de cridas a l’abstinéncia e de sesilhas d’exorcisme; de pseudomedicalas amb de tractaments ormonals, d’ipnòsi e mai d’electrochòcs, e de socialas quand se fòrça los “pacients” de se maridar del biais eterosexual.
En Euròpa, aquelas pretendudas terapias son ja enebidas a Malta e en Alemanha. Als Païses Basses e al Reialme Unit se pren de mesuras semblablas a las votadas pel parlament francés. En Canadà, los deputats aprovèron un projècte de lei a la fin de junh.
De seguir suls rets socials l’etiqueta #RienAGuerir.
La #ppl interdisant #TherapiesDeConversion est définitivement adoptée! Je suis fière de mon pays. Plus personne ne pourra prétendre, sous peine de sanctions pénales, pouvoir guérir les #LGBT. #RienAGuerir Merci à tous ceux qui m’ont soutenue. @1ElisaMoreno@lecoindeslgbtpic.twitter.com/jW7YP2VNE1
— Laurence Vanceunebrock (@LaurenceVanceu) January 25, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La psiquiatria ens droga però no pot impedir que pensem.
#3 Waou! Que soi segur a 95% de pas estar d'acòrd dab la vòsta protestacion ... mes ne soi pas briga segur de l'aver compresa!
Voletz plan desvelopar svp?
Coma qué, avans leis eleccions, l'Estat francés comença de s'interessar ai drechs umans
#2 Se cal maufisar amb lo "bon" sens, qu'es sovent aquel del poder en plaça ! Coma lo "bon" dieu.
Doncas, d'ara endavant la psicanalisa es un delicte ? M'espanta pas d'aquela equipa de maufatans nevrosats que nos govèrnan !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari