Austràlia festegèt ièr son jorn nacional e, pel primièr còp, totòm poguèt brandar en tota egalitat sas doas bandièras oficialas. Dimars, a la velha del jorn nacional, lo govèrn anoncièt qu’aviá aquerits los dreches d’autor del drapèl aborigèn en tot resòlver una disputa comerciala qu’aviá restrench a las esquipas esportivas e las comunautats aborigènas lo drech de reproduire l’imatge.
 
Lo drapèl aborigèn es oficial en Austràlia dempuèi 1995, se pòt veire sus las bastissas governamentalas e la fan servir los clubs esportius. La creèt en 1971 Harold Thomas, un artista artista aborigèn descendent del pòble loritja. Ara, Thomas a transferits los dreches de proprietat intellectuala de la bandièra al govèrn federal, que los a renduts d’usatge public. Aquò permet de l’emplegar sus las camisetas esportivas, sus de paginas web, sus d’òbras d’art e endacòm mai sens permés ni pagament.
 
Thomas se mostrèt esmogut de l’acòrdi car permetrà que totòm “pòsca emplegar lo drapèl amb fiertat e sens restriccions”. A mai, se declarèt “reconeissent” del fach que son “art siá arribat de representar una causa tan poderosa per fòrça mond”.
 
 

More than fifty years after it was first flown, the Aboriginal Flag is now in public hands.

The Aboriginal flag can now be freely used like the national flag after the Federal Government bought the copyright for $20.05 million. #9News

READ MORE: https://t.co/XROx3ZIylhpic.twitter.com/CCbFPcFqIN

— 9News Australia (@9NewsAUS) January 24, 2022