Actualitats
L’Ostau dau País Marselhés planh l’aliança politica entre Bastir Occitània e Provença Nacion
Dins un comunicat entitolat “Una aliança vergonhosa per l’occitanisme!”, l’OPM demanda d’esclarziments a Bastir Occitània e a l’occitanisme “de reagir vigorosament”
Tèxte legit
L’Ostau dau País Marselhés (OPM) regreta l’aliança politica entre Bastir Occitània e Provença Nacion. Dins un comunicat entitolat “ Una aliança vergonhosa per l’occitanisme!”, l’OPM considèra qu’es “de mau creire que lo collectiu lengadocian Bastir Occitanie, notadament compausat de País Nòstre, ague deliberadament causit de s’associar ambe Prouvenço Nacioun, un partit dich provençalista, reaccionari e anti-occitan, que representa ren ni degun e que de lònga destracta leis accions que pòrtan leis associacions occitanas de Provença”. Lo comunicat de l’OPM remembra los resultats encoratjants a las eleccions regionalas 2021 per la lista “Òc per Provença”.
Per l’OPM se ven de materializar una paur qu’avián en 2016, quand l’occitanisme provençal manifestèt son oposicion al fach qu’una region d’Occitània prenguèsse lo nom de tot lo país. La crida facha en 2016 avertiá “que lei personas obrant per la promocion de l’occitan ò d’Occitània en fòra de la Region Occitanie administrativa patigan de l’inevitabla confusion qu’aquò farà espelir dins l’avenidor” ambe de “consequéncias professionalas e umanas dramaticas”.
L’OPM demanda a Bastir Occitània “d’esclargiments” e fa un avertiment dur:
Tanben cridan los “aparaires de la lenga de Lengadòc e d’autrei parts de non pas istar muts e de reagir vigorosament davans aquesta union destimborlada”.
Bastir Occitània e Provença Nacion se son amassats dins una nòva federacion de partits regionalistas momenada Federacion dels Païses Units, qu’arriba un mes après que Regions e Pòbles Solidaris refusèt l’integracion del Partit Breton per de rasons ideologicas. Aquela federacion es fondada pel Partit Nacionalista Basco (EAJ-PNV), lo Partit Breton, lo Partit Loren, Bastir Occitània (escrivon Bastir Occitanie) e Provença Nacion (escrivon Prouvènço Nacioun).
L’Ostau dau País Marselhés nasquèt l’an 2000 amb l tòca d’espandir la cultura occitana a Marselha. Prepausa un espaci vertadièr d’expression per la cultura occitana e l’interculturalitat, de corses de lenga, de projeccions, de conferéncias, de concèrts e una bibliotèca. Lo sèti se tròba al numèro 18 de la Carriera de l’Olivier, dins l’emblematic quartièr de la Plana de la Ciutat Focèa.
Per l’OPM se ven de materializar una paur qu’avián en 2016, quand l’occitanisme provençal manifestèt son oposicion al fach qu’una region d’Occitània prenguèsse lo nom de tot lo país. La crida facha en 2016 avertiá “que lei personas obrant per la promocion de l’occitan ò d’Occitània en fòra de la Region Occitanie administrativa patigan de l’inevitabla confusion qu’aquò farà espelir dins l’avenidor” ambe de “consequéncias professionalas e umanas dramaticas”.
L’OPM demanda a Bastir Occitània “d’esclargiments” e fa un avertiment dur:
“Demorarem pas inactius fàcia a n’aqueu novèl assai d’avaliment dau trabalh jornadier dei nombroseis associacions e militants que, de Provença a Lemosin, de Gasconha a Auvèrnha, luchan amb encanhament còntra la desaparicion de nòstra cultura. Acceptarem pas nimai aquela escòrna a la memòria de nombrós militants e personalitats que donèron la man per bastir lo moviment occitan despuei Provença e que veson aquí una partida de seis ancians cambaradas leis escotelar de darrier.”
Tanben cridan los “aparaires de la lenga de Lengadòc e d’autrei parts de non pas istar muts e de reagir vigorosament davans aquesta union destimborlada”.
Bastir Occitània e Provença Nacion se son amassats dins una nòva federacion de partits regionalistas momenada Federacion dels Païses Units, qu’arriba un mes après que Regions e Pòbles Solidaris refusèt l’integracion del Partit Breton per de rasons ideologicas. Aquela federacion es fondada pel Partit Nacionalista Basco (EAJ-PNV), lo Partit Breton, lo Partit Loren, Bastir Occitània (escrivon Bastir Occitanie) e Provença Nacion (escrivon Prouvènço Nacioun).
L’Ostau dau País Marselhés nasquèt l’an 2000 amb l tòca d’espandir la cultura occitana a Marselha. Prepausa un espaci vertadièr d’expression per la cultura occitana e l’interculturalitat, de corses de lenga, de projeccions, de conferéncias, de concèrts e una bibliotèca. Lo sèti se tròba al numèro 18 de la Carriera de l’Olivier, dins l’emblematic quartièr de la Plana de la Ciutat Focèa.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Car Amans Puèg
Dins lo comentari de "Perpdexitas" (encara un autre que s'amaga darrèr un escais...aquò rai, m'es estat dich que lo Xi Jing Ping, amb aquel afar dels Oïgors...s'embufariá ara contra los occitanistas que sostendrián aquel pòble...donc tant val èstre prudent)
Tornem a la vòstra reaccion, lo" Per..., e sai pas que..tròp complicat.." ...parla dels " neò-felibres escurantistas"....donc benlèu daissa un bocin de plaça a n'aqueles que o son pas, escurantistas.
Per ieu, tot es politic, o ven politic. Per exemple ( l'exemple , o sabi, es pas polit) quand òm demanda una subvencion.
E, de nòstres cantons de Roèrgue o d' Albigés, amai se la nòstra situacion es sovent plan complicada, cossí nos podèm permetre de criticar de militants marselheses que se'n dònan per manténer un espaci d'occitanitat dins aquela megapòla ?
e, cal èstre rasonables....que fa lo Felibrigte ( i a d'excepcions, solide...) , part, quand i a de fotògrafs, cargar los esclòps e la blòda, cambejar e bracejar?,... sens cap de soscadissa, de perpensada sul devenir de la lenga e de la cultura, maire de lors bracejadisses e cambejadisses.
Aquò dich,.. de gaire..., metriái dins la mèma saca bravament de pretenduts occitanistas...
Que compreni la decepcion deus occitanistas provençaus engatjats de cap ad aquera desconsideracion navèra d'un grop occitanista lengadocian. Vist de luenh totun que'm disi l'occitanisme que s'ei tant dislocat dempuish la mitat de las annadas 2010 que non vei pas çò que'us poderén enqüèra panar. La co-partenhença de bastir e de provenço nacioun e pòt vertadèrament ensordir las causas? O l'anar de l'occitanisme en Provença be'n serà lo medish sii com sii?
D'auta part los pes respectius de bastir com de p.n que'm pareishen arren.
#10 E sabètz aquò que vos dison los neos -felibres e los reires-felibres atanben ? ... Pas mens tròbe curios qu'una organisacion culturala coma l'Ostau Marselhés s'ane preocupas de politica, (sustot quand son de guirguilhs entre d'escurs gropsuculs que son pas solament capable d'alinhar una lista completa a las eleccions). An benlèu pas pro trabalh sul front de l'ensenhament e de l'aparament de la lenga ?
Minable
Es fòrça congostós redactir en francimand vergonhós dins Djournalètte
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari