Lo fotograf soís René Robert, conegut sustot per sas fotografias del flamenco, moriguèt del freg la setmana passada dins una carrièra passanta de París. L’artista tombèt e perdèt coneissença, demorèt plusors oras al sòl sens que degun s’arrestèsse per li portar socors.
 
Dins sos 84 ans, René Robert tombèt al sòl mentre que se passejava après aver sopat dins un restaurant de la Carrièra Turbigo. Demorèt estendut davant l’indiferéncia de totòm fins a 6h30 del matin, quand un SDF telefonèt als socorses.
 
Lo fotograf lo menèron dins un espital en un estat fòrça grèu. Aviá de plagas al cap e una ipotermia fòrça avançada. Pauc après moriguèt a las urgéncias.
 
Lo jornalista Michel Mompontet, amic personal de Robert, a escrich sus Twitter que que lo fotograf es mòrt “assassinat per l’indiferéncia”.
 
 

Assassiné par l’indifférence.
Ce soir 19h20 sur France Info TV mon hommage au photographe René Robert, mort seul dans une rue passante de la capitale sans que personne ne s’arrête et lui porte secours…et ce que cette tragique et révoltante fin de vie nous apprend de nous-mêmes pic.twitter.com/do2ukLQFY1

— Michel Mompontet (@mompontet) January 24, 2022