Actualitats
La poténcia de l’erupcion a Tònga foguèt cent còps superiora a la d’Hiroshima
Lo volcan Hunga Tònga-Hunga Ha’apai a escupit un campairòl de fum a mai de 40 km d’altitud
Tèxte legit
L’erupcion volcanica dins las illas Tònga lo 15 de genièr passat foguèt de centenas de còps mai poderosa que la bomba atomica americana largada sus la vila japonesa de Hiroshima en agost de 1945, segon de scientifics de la NASA. L’agéncia espaciala americana a declarat que l’erupcion aviá “avalit” l’illa volcanica situada a una seissantena de quilomètres al nòrd de Nuku’alofa, la capitala de l’archipèla.
Segon l’observatòri de la Tèrra de la NASA, lo volcan Hunga Tònga-Hunga Ha’apai escupiguèt un campairòl de fum de fins a 40 km de nautor durant l’erupcion que se faguèt ausir fins a Alaska e qu’activèt un tsunami. “Pensam que la quantitat d’energia liberada per l’erupcion èra equivalenta a una quantitat de TNT compresa entre 5 e 30 megatonas”, çò declarèt lo scientific de la NASA Jim Garvin dins una publicacion pareguda dimenge 23 de genièr.
L’amplor de las destruccions a isolat los abitants de l’archipèla
L’erupcion a acaptat d’un jaç de cendres toxics lo reialme insular que compta mai o mens 100 000 abitants, enverinant l’aiga potabla, destrusent las culturas agricòlas e avalissent completament al mens dos vilatges. A egalament fach al mens tres victimas a Tònga e entraïnat la mòrt de dos banhaires en Peró dont lo litoral foguèt trucat per d’èrsas excepcionalas a causa de l’erupcion.
Dètz jorns après l’erupcion del volcan Hunga Tònga Hunga Ha’apai, los 100 000 abitants de l’archipèla del Pacific son totjorn plan isolats. L’ajuda umanitària enviada per Austràlia, Japon e Nòva Zelanda arriba plan lentament, essent que las pistas de l’aeropòrt venon just d’èsser desencombradas. Los cables sosmarins que permeton las connexions Internet seràn pas reparats d’aicí a un mes. En 2022, dins un mond iperconnectat, un territòri entièr se pòt retrobar copat de tot.
Mai d'informacions sus Franceinfo:
Segon l’observatòri de la Tèrra de la NASA, lo volcan Hunga Tònga-Hunga Ha’apai escupiguèt un campairòl de fum de fins a 40 km de nautor durant l’erupcion que se faguèt ausir fins a Alaska e qu’activèt un tsunami. “Pensam que la quantitat d’energia liberada per l’erupcion èra equivalenta a una quantitat de TNT compresa entre 5 e 30 megatonas”, çò declarèt lo scientific de la NASA Jim Garvin dins una publicacion pareguda dimenge 23 de genièr.
L’amplor de las destruccions a isolat los abitants de l’archipèla
L’erupcion a acaptat d’un jaç de cendres toxics lo reialme insular que compta mai o mens 100 000 abitants, enverinant l’aiga potabla, destrusent las culturas agricòlas e avalissent completament al mens dos vilatges. A egalament fach al mens tres victimas a Tònga e entraïnat la mòrt de dos banhaires en Peró dont lo litoral foguèt trucat per d’èrsas excepcionalas a causa de l’erupcion.
Dètz jorns après l’erupcion del volcan Hunga Tònga Hunga Ha’apai, los 100 000 abitants de l’archipèla del Pacific son totjorn plan isolats. L’ajuda umanitària enviada per Austràlia, Japon e Nòva Zelanda arriba plan lentament, essent que las pistas de l’aeropòrt venon just d’èsser desencombradas. Los cables sosmarins que permeton las connexions Internet seràn pas reparats d’aicí a un mes. En 2022, dins un mond iperconnectat, un territòri entièr se pòt retrobar copat de tot.
Mai d'informacions sus Franceinfo:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari