Sergio Mattarella tendrà un segond mandat coma president de la Republica d’Itàlia perque las fòrças politicas del país son estadas incapablas de s’acordar sus son successor. Mattarella, qu’es president dempuèi sèt ans, contunharà sas foncions almens fins a las eleccions venentas. Aital, vendrà lo segond president qu’esperlonga sas foncions, après son predecessor, Giorgio Napolitano.
 
La repeticion de Mattarella es un simptòma del blocatge que lo patís la politica italiana. Totun, lo darrièr govèrn Mario Draghi sembla qu’a portat una relativa estabilitat a un moment que lo país deu recebre 200 miliards d’èuros dels fonzes europèus de recuperacion economica.
 
La decision es una marrida nòva pel dirigent ultradrechista Matteo Salvini, qu’a vist coma las autras formacions, tanben las de la drecha e de l’extrèma drecha, an refusat totas sas proposicions de nòu president.