Actualitats
Bordèu: mobilizacion d’Amnestia Internacionala per denonciar lo comportament de China envèrs los oigors
A cinc jorns de la dobertura dels Jòcs Olimpics d’ivèrn de Pequin, se son acampats per denonciar “los crimes contra l’umanitat, las persecucions e las torturas”
Tèxte legit
Aquela mobilizacion interven cinc jorns abans la debuta dels JO d’ivèrn de Pequin que començaràn lo 4 de febrièr.
“Amassa per un avenidor comun” es l’eslogan dels Jòcs Olimpics de Pequin 2022. “Quina ipocrisia, dins un país ont de centenas de milièrs de personas son embarradas dins de camps, privadas de libertat e persecutadas!”, çò escriu l’ONG sus son compte Twitter.
Una crida al boicòt diplomatic
D’aquel temps, la posicion de l’estat francés fàcia als Jòcs de Pequin es interrogada per de membres de la classa politica francesa. Divendres, dins una tribuna publicada dins Libération, Raphaël Glucksmann, deputat europèu, Yannick Jadot, candidat ecologista a la presidenciala, e Christiane Taubira, candidata a la presidenciala, an demandat al president d’assumir un boicòt diplomatic dels Jòcs Olimpics e Paralimpics d’ivèrn en China.
Un boicòt diplomatic consistís a enviar pas cap de representant de l’estat dins lo país qu’organiza un eveniment, aquí China. Per contra, los esportius pòdon participar als Jòcs. Los Estats Units, Anglatèrra, Austràlia e Canadà se son ja posicionats en favor d’aquela accion.
Per çò qu’es de França, s’es anonciat que se prevesiá d’i mandar unicament la ministra dels espòrts Roxana Maracineanu.
L’Assemblada Nacionala francesa denoncièt lo “caractèr genocidari” de la politica chinesa envèrs los oigors lo 20 de genièr passat. Se demanda ara que lo govèrn faga parièr.
« Ensemble pour un avenir commun » c’est le slogan des Jeux olympiques de Pékin 2022.
— Amnesty International France (@amnestyfrance) January 26, 2022
Quelle hypocrisie, dans un pays où des centaines de milliers de personnes sont enfermées dans des camps, privées de liberté et persécutées !
https://t.co/uY765LGyvI
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 La diferencia entre l'etnocidi cultural oïgor e aquel que patissem es quantitativa, pas qualitativa, perque sa tòca es EXACTAMENT la mèsma : escafar d'a fons l'identitat culturala e linguistica d'un pòble per lo forçar a se fondre dins l'identitat egemonica del dominaire.
Sus la fòrma es saique desparrièr que çò qu'engimbrèt Paris per tuar l'identitat occitana mas sus lo fons l'objectiu es idem : mudar los oïgors o los tibetencs en de chineses qu'an completament doblidat lor lenga, lor cultura, lor identitat e qu'an fenit per encapar qu'èran de chineses coma los autres.
China dèu d'alhors trobar remirabla l'òbra etnocidària de «La République» qu'a capitat al delai de tota esperança: a sauput escafar l'occitan qu'es ara vengut una lenga mòrta e a organizat a l'encòp lo negacionism de son existència passada. Ara de l'occitan lo mond d'Occitània granda se'n trufan, sabon pas de qu'es, vòlon sustot pas saupre de qu'es e son d'a fons persuadats d'ésser franceses. Ne son ergulhoses e lo reivendican de longa a la mendra escasença en brandussant lo drapèl blau-blanc-roge e en bramant La Marseillaise.
Per lo «cambarada » Xi Jin Ping aquel bugadatge de cervèl integral qu'a plan fonccionat al nòstre es l'exemple de seguir. Lo Jacobinisme « à la française» aligat al Golag « à la Pol Pot », lo sòmi, qué ! Pas a dire, s'expòrta plan, l'Excellència Francèsa !
La diferencia entre l'etnocidi cultural oïgor e aquel que patissem es quantitativa, pas qualitativa, perque sa tòca es EXACTAMENT la mèsma : escafar d'a fons l'identitat culturala e linguistica d'un pòble per lo forçar a se fondre dins l'identitat egemonica del dominaire.
Sus la fòrma es saique desparrièr que çò qu'engimbrèt Paris per tuar l'identitat occitana mas sus lo fons l'objectiu es idem : mudar los oïgors o los tibetencs en de chineses qu'an completament doblidat lor lenga, lor cultura, lor identitat e qu'an fenit per encapar qu'èran de chineses coma los autres.
China dèu d'alhors trobar remirabla l'òbra etnocidària de «La République» qu'a capitat al delai de tota esperança: a sauput escafar l'occitan qu'es ara vengut una lenga mòrta e a organizat a l'encòp lo negacionism de son existència passada. Ara de l'occitan lo mond d'Occitània granda se'n trufan, sabon pas de qu'es, vòlon sustot pas saupre de qu'es e son d'a fons persuadats d'ésser franceses. Ne son ergulhoses e lo reivendican de longa a la mendra escasença en brandussant lo drapèl blau-blanc-roge e en bramant La Marseillaise.
Per lo «cambarada » Xi Jin Ping aquel bugadatge de cervèl integral qu'a plan fonccionat al nòstre es l'exemple de seguir. Lo Jacobinisme « à la française» aligat al Golag « à la Pol Pot », lo sòmi, qué ! Pas a dire, s'expòrta plan, l'Excellència Francèsa !
#7 es pas brica çò que disi, disi soncament que la situacion dels oigors e dels occitans al jorn de uèi es dificilament comparabla... e fau d'umor atanben
#2 Donc es normal, davant los dreits umans e davant l'etica, de suprimir los pòbles pe rdecision politica, mai que non los ausicam pas cridar del temps que dispareisson ?
#2
Pense pas que 'quò valha la pena de 'nar en preison per aver defendut l'occitan/lo patoàs... I a benleu d'autras causas que zo merìten mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari