Actualitats
Fin finala, an redobèrt lo passatge frontalièr del Portilhon
Fa mai d’un an que França aviá barrat unilateralament aquela estrada que fa comunicar la Val d’Aran amb Luishon
Tèxte legit
Lo govèrn francés a dobèrt la frontièra del Portilhon que fa comunicar la Val d’Aran amb Luishon e que França barrèt uniteralament lo 6 de genièr de 2021, pretendudament per menaça terrorista. La redobertura de l’estrada entre Quate Lòcs e Luishonés l’a renduda publica lo cònsol màger de Bossòst, Amador Marqués, dins un messatge sus Facebook.
Marqués a mercejat la sindica d’Aran per son esfòrç e sa complicitat ; lo secretari general espanhòl per l’enjòc demografic, Francés Boya; lo secretari d’estat francés de la ruralitat, e tanben los botiguièrs e entrepreneires de Bossòst amb los quals a partejat una annada de lagui e persisténcia.
Marqués aviá denonciat que lo barrament afectava Bossòst a causa de sa relacion fluida amb las comunas de Luishonés, e que lo barrament portava fòrça tòrt als abitants, a las entrepresas e als salariats que demòran d’un costat e trabalhan de l’autre.
En junh, Marqués e la sindica d’Aran, Maria Vergés, demandèron formalament al prefècte de Nauta Garona, Étienne Guyot, que se redobriguèsse, a causa de l’importància d’aquela estrada per las vilas de Bossòst e de Luishon e per respècte de l’acòrdi de Schengen.
Per Vergés, lo Portilhon es un passatge plan important pels abitants d’Aran e de Comenge, mai que mai per Bossòst e Luishon, qu’an de besonh d’aquela via de comunicacion per completar de servicis de santat, d’espòrt, d’educacion, etc.
Lo 6 de genièr de 2021, las autoritats francesas tampèron aquel ponch frontalièr pr’amor d’una menaça terrorista sospechada. Aital o comunicava lo prefècte Étienne Guyot, en seguida de las recomandacions del president francés, Emmanuel Macron, compte tengut de l’evolucion de la dicha menaça terrorista.
Qualques jorns après lo barrament, una trentena d’ultradrechistas de Generacion Identitària anèron “susvelhar” las frontièras entre Comenge e Aran per empachar l’intrada de migrants sul “sòl francés”.
Marqués a mercejat la sindica d’Aran per son esfòrç e sa complicitat ; lo secretari general espanhòl per l’enjòc demografic, Francés Boya; lo secretari d’estat francés de la ruralitat, e tanben los botiguièrs e entrepreneires de Bossòst amb los quals a partejat una annada de lagui e persisténcia.
Marqués aviá denonciat que lo barrament afectava Bossòst a causa de sa relacion fluida amb las comunas de Luishonés, e que lo barrament portava fòrça tòrt als abitants, a las entrepresas e als salariats que demòran d’un costat e trabalhan de l’autre.
En junh, Marqués e la sindica d’Aran, Maria Vergés, demandèron formalament al prefècte de Nauta Garona, Étienne Guyot, que se redobriguèsse, a causa de l’importància d’aquela estrada per las vilas de Bossòst e de Luishon e per respècte de l’acòrdi de Schengen.
Per Vergés, lo Portilhon es un passatge plan important pels abitants d’Aran e de Comenge, mai que mai per Bossòst e Luishon, qu’an de besonh d’aquela via de comunicacion per completar de servicis de santat, d’espòrt, d’educacion, etc.
Lo 6 de genièr de 2021, las autoritats francesas tampèron aquel ponch frontalièr pr’amor d’una menaça terrorista sospechada. Aital o comunicava lo prefècte Étienne Guyot, en seguida de las recomandacions del president francés, Emmanuel Macron, compte tengut de l’evolucion de la dicha menaça terrorista.
Qualques jorns après lo barrament, una trentena d’ultradrechistas de Generacion Identitària anèron “susvelhar” las frontièras entre Comenge e Aran per empachar l’intrada de migrants sul “sòl francés”.
|
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que non n'i a pro damb daurir-lo eth Portilhon, que cauhèr-lo transitable.
Lo Portilhon aqueste non es una frontièra, mas un trait d'union !
Visca la luita del poble occitan!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari