capçalera campanha

Actualitats

Escòla
crotz-tolosaCreated with Sketch.LengadòcLengadòc BasCarcassés

Las colors de comportament

De calandrons de Carcassona contan lo biais de gerir la convivéncia en classa

Calandreta de Carcassona

Las colors de comportament son causidas en foncion del comportament en classa e fòra la classa. Avèm del gris clar fins al brun.
 
Dins l’òrdre i a: gris, gris escur, blanc, jaune clar, jaune escur, irange, verd clar, verd escur, blau e brun. Del mai sèm grands en color, del mai pòdes faire de causas dins la classa. Podèm aver de responsabilitats grandas, podèm anar a las abelhas....Per contra, del mai sèm grands e del mai pagam se respectam pas las règlas. I a tanben lo roge e lo daurat que son plan mens utilizats.
 
 
 
 
Lina e Satine

 

 

 

Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…    

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Cristina Barnier
6.

Bonser, veni de legir los comentaris. Soi regenta retirada. Ai pas jamai utilizat las cintas de color. Mas èri pròcha de la pedagogia Freinet. I aviá dins mon escòla una regenta que practicava la pedagogia diferenciada. Utilizava aquesta otis, un otis al mièg d'autres. Vos pòdi dire que sos escolans èran uroses dins sa classa. Respectuoses de totes e de cadun. Encoratjants e uroses quand un de la classa avançava dins son comportament, e i aviá entre eles, un respècte prigond. Pas ges de delacion, pas ges de marrit esperit. Aguèri l'astre, de participar amb eles, a de sortidas botanicas, mesa en plaça d'erbaris, recèrcas de noms de plantas...un còp per an, pendent qualques annadas. Ai vist de prèp lo fonccionament pedagogic e educatiu. Pensi qu'aqueste biais de far depend prigondament de la persona que practica. Es un otis. Coma cada otis depend del biais de l'utilizar.

  • 8
  • 0
Cheng Huan
5.

I a brica d’arguments de balhar, sufís d’anar sul malhum et de picar « contre social chinois » o « credit social chinois » per aver totas las explicas, atal sauràn çò qu’es.
En compendi se pòt diser que dins lo contraròtle social Chinés, cadun agara son vesin per vèire s’a un bon comportament e s’es pas de bon se paga. Es lo meteis princip.

Atal grandets saràn ja acostmats de susveilhar.

  • 6
  • 0
Lo Pimflòid
4.

#3 En fèit que pensi tanben que la pedagogia institucionala se pòt questionar sus hèra de punts, lo men but ací n'ei pas de la deféner en generau ni de deféner lo sistèma de cintas en particular.

Qu'ei juste que trobavi la vòsta faiçon de comentar maucortesa, sustot vist que vs'adreçatz a mainats qui son a descovrir aqueste sit.

Aquesta mena de comentaris que pòt aver per efèit de desmotivar las personas a escíver articles o comentaris ací.

En mei d'estar potencialament ofensants entà las personas qui an hèit l'article, los vòstes comentaris ne son pas briga argumentats.

Ok, si i a similituds, lasquaus svp? Ne sabem mèma pas si i a ua reflexion vertadèra basada sus coneishenças de las sciéncias de l'educacion e de la politica chinesa actuala darrèr la vòsta frasa... o s'avetz juste escriut lo purmèr escarni qui vs'ei passat peu cap... Nos voletz esclairar?

  • 7
  • 1
Cheng Huan
3.

Es de racacòr que vos confermi un cò mai qu'es lo retiple del contraròtle social made in China.

  • 3
  • 5
Lo Pimflòid
2.

Supèr article! Avetz abelhas dens l'escòla?


#1 Solide que's pòt contestar las colors de comportament mes qu'ei escriut per mainadas l'article : be poderetz meilèu començar per felicitar las peu lor tribalh abans de balhar lo vòste avís en ua frasa assassina.

Las cintas (o colors) de comportament que hèn partida d'un ensemble qui s'apèra la pedagogia institucionala e qui emplèga tanben utís de la pedagogia Freinet. Qu'ei la pedagogia dont se revnedican la escòlas calandreta.

Las colors que son empruntada per aqueste corrent pedagogic aus arts marciaus japonés on la cinta temoenha de l'evolucion de la persona dens la soa practica.

https://fr.wikipedia.org/wiki/P%C3%A9dagogie_institutionnelle

Si lo subjècte de la pedagogia dens las calandretas e'vs interessa, uèra duas entrevistas de Patrici Baccou (ua de las personas qui fòrma l@s regent.a.s de calandretas) on i a quauquas criticas.

https://soundcloud.com/radio-pais/pensada-critica-p-com-pedagogia-e-inconcient-dab-patrici-baccou?in=radio-pais/sets/pensada-critica

https://soundcloud.com/radio-pais/pensada-critica-29-d-com-dolto?in=radio-pais/sets/pensada-critica

  • 7
  • 2

Escriu un comentari sus aqueste article