CAPÇALERA PAIS INVISIBLE

Actualitats

EconomiaInternacionalPoliticaSocietat

Amsterdam enebirà que se crompe un ostal per lo logar

La comuna a parlat net e clar: “Los ostals servisson per i viure, non pas per ganhar d’argent”.

Se vòl favorir las personas que crompan un ostal per i demorar e alonhar los grands investidors privats, qu’a l’ora d’ara son ja proprietaris d’un tèrç dels abitatges d’Amsterdam
Se vòl favorir las personas que crompan un ostal per i demorar e alonhar los grands investidors privats, qu’a l’ora d’ara son ja proprietaris d’un tèrç dels abitatges d’Amsterdam | fotogrzechnik

Tèxte legit

Amsterdam vòl metre lo ponch final a l’especulacion immobilièra. Desenant, lo mond que cromparàn un ostal deuràn esperar quatre ans per lo poder logar. La comuna a parlat net e clar: “Los ostals servisson per i viure, non pas per ganhar d’argent”. La mesura pertòca los ostals de mens de 512 000 èuros, çò es lo 60% dels abitatges de la vila.
 
Aital se vòl favorir las personas que crompan un ostal per i demorar e alonhar los grands investidors privats, qu’a l’ora d’ara son ja proprietaris d’un tèrç dels abitatges d’Amsterdam, çò assegura lo conselhièr municipal Jakob Wedemeijer.
 
Lo prètz dels lotjaments dins los darrièrs sèt ans a doblat fins a una mejana de 600 000 èuros per un apartament. Quant als loguièrs, lo prètz mejan es de 1466 èuros per mes, segon de donadas de la municipalitat.

 

 
 



abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lo gat
4.

#3

Sabetz per cambiar las causas cal de temps, mas per cambiar las mentalitats es una generacion que cal.

Malastrudament avèm brica leser de trastejar enquèra plan temps, dins una generacion l’occitan sarà lenga mòrta pel pòble, o es gaireben, levat dins qualques airals d’atrevats a la tufa d’intelectuals manats, abenats fins a l'ordil.

Se sabiatz cossi aquò me malcora cossi m’estrementís d’èsser occitanament parlant torig.

Fa 70 ans que l’occitanisme s’ensatja a butar a la ròda s’es pas una pachacada es pas la capitada escomptada, plan luènc de çò vendut. Tanben cal èsser abelugats e ensatjar tot.

Nos cal tolre lo sendròm shadòc : mai aquò fa meuca, mai aquò ten una escasença de capitar.
Tornar fa la meteissas errors en repentida nos farà pas enantir

  • 3
  • 3
Loïson Ispora
3.

#2 Per hrèita de connivéncia l'ironia qu'ei de mau passar hens los comentaris

  • 2
  • 1
Lo gat
2.

La dictatura d'esquèrra , se crompa pas ont voletz per fa çò que voletz : es orre !

  • 1
  • 11
Franc Bardòu
1.

“Los ostals servisson per i viure, non pas per ganhar d’argent”. Quin es lo partit que d'aquela comuna ? Aquò es d'esquèrra, tot simplament. Quicòm que non coneissèm mai despuèi que lo CNR non orienta pas mai las amiras de "l'esquèrra de governament" alla francese… Despuèi mai d'un mièg-sègle.

  • 11
  • 1

Escriu un comentari sus aqueste article