Dijòus passat, un trentenat d’activistas bloquèron las doas intradas del talhièr de Terra 2 a Sant Somplesi (Galhaqués). Aqueles militants s’opausan als trabalhs de construccion d’un depaus logistic de 70 000 m² qu’es per se bastir sus una zòna naturala. L’operacion s’acabèt amb l’intervencion de la polícia que faguèt partir los manifestants sens violéncia, çò rapòrta France 3.
 
 
Una plataforma logistica sus 70 000m² que menaça tot un ecosistèma local
 
Sus un terren de 70 000 m², una bastissa longa de 533 mètres sus 125 mètres de large e 14 mètres de naut se deuriá construire per aculhir una plataforma logistica giganta sus la zòna d’activitats de las Pòrtas de Tarn. I aurà 123 cais de cargament, çò es 500 passatges de camions semiremòrca per jorn. En tot, son 12 ectaras que seràn engolidas jol quitran.
 
Es per aquò que d’abitants, d’associacions e de collectius de defensa de l’environament an decidit de se mobilizar contra un projècte “d’un autre temps”, segon lors mots. Denóncian “una construccion desmesurada” que destruirà d’espècias protegidas. Demandan als elegits encargats del projècte l’arrèst immediat dels trabalhs e qu’aquestes se conformen a las preconizacions del GIEC pertocant la creacion d’activitats e la destruccion d’espacis naturals.
 
“Aquel projècte aurà un impacte màger sus la biodiversitat locala e destruirà tota una zòna naturala”, çò explica un militant d’ANV COP21.
 
 
Una denóncia sociala del projècte
 
“Aquela plataforma logistica se farà amb Amazon o un concurrent. Aquò favorizarà las importacions chinesas. De produches que circulan en camion e crèan fòrça pollucion. Aquò a pas res de veire amb los circuits corts. De mai, aquò crearà pas gaire d’emplecs, o alara d’emplecs precaris, sospagats” çò afortís Gwarr, un activista d’ANV COP21
 
Aquò fa ara mai de 3 ans qu’aqueles opausants batalhan contra Terra 2, e la mobilizacion se manten. Après l’accion de dijòus passat, ne preveson d’autras per tal que lo projècte aboque.

 
 

Blocage en cours à Terra 2
Un 30aine d'activistes de @AnvCop21@xrToulouse@AttacToulouse sont allés bloquer l'accès au chantier du mega-entrepôt logistique de Terra2 qui prévoit de construire 70 000m² sur des espaces naturels

Les activistes demandent l'arrêt du projet  pic.twitter.com/aJ3AVzJWzW

— Alternatiba Toulouse (@AlternatibaT) February 3, 2022

 

En bref - Dans le Tarn, des écologistes s’opposent à Terra 2, un projet de plateforme logistique
https://t.co/bGIAzvHSDv

— Reporterre (@Reporterre) February 4, 2022

 

Stop TERRA 2 exprime son soutien aux militants ( @ANVCOP21 Toulouse @AttacToulouse@xrToulouse Faucheurs volontaires @gnsa81@YouthToulouse ) qui ont opposé leur détermination pacifique au silence méprisant des élus.https://t.co/OpQUDR9Bir

— Stop TERRA 2 (@StopTERRA2) February 4, 2022