Actualitats
La cort d’apelacion de Tolosa a reconegut maire una femna transgenre
Es lo primièr còp que se reconeis dins l’estat francés qu’es possible d’aver doas filiacions mairalas. Fins ara, las femnas transes podián sonque adoptar
Tèxte legit
Ela e sa calinhaira demòran en Bas Lengadòc. An qualques enfants, dont lo darrièr foguèt concebut abans la transicion medicala mas après lo cambiament d’estat civil. L’oficièr d’estat civil de Montpelhièr refusèt que las doas femnas foguèsson consideradas maires de l’enfant e alara comencèt un long combat judiciari. Après mai d’una senténcia, la Cort de Cassacion remandèt l’afar a la cort d’apelacion de Tolosa qu’enfin a reconegut que l’enfant a doas maires.
Es lo primièr còp que se reconeis dins l’estat francés qu’es possible d’aver doas filiacions mairalas. Fins ara se’n reconeissiá sonque una e las femnas transgenres que volián èsser maires podián sonque adoptar. Ara los jutges an pres per arguments l’interès superior de l’enfant e lo drech a la vida privada. La senténcia ditz pas res a prepaus dels autres enfants del parelh.
Un vuèg juridic
Ça que la, la cort d’apelacion de Tolosa fa saber dins un comunicat que “la lei daissa un vuèg juridic indenegable” dins los cases d’aquela sòrta, çò rapòrta BFM TV. Dins aquel sens, l’avocata Clélia Richars remembra a Libération que la senténcia “poirà èsser benefica, mas que las disposicions contunharàn de dependre de l’apreciacion dels jutges”.
Victoire Après huit ans de combat judiciaire, la cour d’appel de Toulouse a finalement reconnu Claire comme la mère de son enfant, conçu après son changement d’état civil. Une première en France.https://t.co/H4mxSiPXeM
— Droits nouveaux & LGBTI - Groupe thématique LFi (@FiLGBTI) February 9, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#39
Cossi siás pas accionari ?
Bèl temps i a "accionari" se disiá" parièr e lo parson n'èra lo dividende.
Vos parli d'un temps que los joves de vint ans pòdon pas conèisser.... mr ( me risi / lol)
èra lo temps de l'esplandor nòstra, es nosaus occitans qu'avèm inventat las societats per accions ambe conselh d'aministracion a l'aurièra de 1372 s'atanquèc en 1946. es estudiat als estadsunits, e autres país. Faguèron devèrs 5% mentre gaireben500 ans.
Son pas los esquerristas malsapiós e maldringats que ba te diràn
#37#38 Profièches gigantasses realizats per l'economia mondializada amb benificis consequents pels accionaris, sensa qu'i aja lo mendre aument de salari als trabalhaires que vènan de mai en mai paures. E quand aquesta pauralha en devenir crida contra aquela injusticia als goberns complicis d'aquesta arnèsca bèla quina es la responsa qu'òm lor fai ? "Où, mas de que vos planhissètz, pecaire, avem institucionalizat lo maridatge omosexual, legalizat lo cambiament de sèxe, emai que nos entrevam fèrm de la transicion ecologica, alara devriatz vos estimar aüroses, macarel, puslèu que de nos conflar amb de reinvendicacions salarialas qu'interèssan pas diguns, putas de populistas complotistas, vai !"
Las cresenças de luxe, o lo progressisme trasluènc del real.
Lo concèpte de « cresença de luxe » recampa una amassa de discors generalament « woke » tenguts a belis uèlhs vesent per fin de marcar son apartenéncia a las classas socialas las mai favorisadas.
(Una mena de Rolex de la pensada) [https://www.my-watchsite.fr/174-rolex]
En agost de 2019 un jove doctorant en psicologia Rob Hendersen teorisa lo concèpte de « cresença de luxe ».
Aquel concèpte s’enscriu dins lo contunh de lo del consum dels lesers de Thorstein Veblen que fasiá demonstra que lo consum d’unis bens o praticar d’unis lesers, avian per foncion màger ençò de las classas dominantas de muishar ambe bobansa qu’avian a posita, pron de temps e d’argent per s’atrevar e s’entremuzar a d’activitats improductivas.
Auèi lo quite esmicard pòt aver, d’a còps (ambe las ODR), un esmartfon de la darnièra plega, tanben una partida dels mai favorisats an cambiat lo biais de se destriar dels autres per las « cresenças de luxe ».
Aquelas cresenças s’apevan sus discors traslunhats de la realitat e, o, de las prioritats de cada jorn del paure pòble, e es lo signe convengut, revelator de l’apartenéncia a un escapolon de populacion pron recabalada d’avedres per se pausar questions que tocan brica lo ciutadan mejan afasendat a mantener son trabalh e son nivèl de vida, mai que tròp de s’i espoliar.
Una vertut bobancièra ambe consequencias perniciósas pels mai paures.
Lo constat de Rob Henderson ven atrasent quora muisha qu’aquelas cresenças de luxe non son seguidas d’accions, damoran al nivèl de las bascas, mas qu’en mai aquelas cresenças de luxe nozissan al mai desfavorisats.
S’es apondut una « cresença de luxe mendre còst (low cost) (los qu’an pas de Rolex) per fin de contrafar las « cresenças de luxe » primièras. Una mena de woke del paure e atal de se far polidas belezòs el tanben.
Es l’occitanisme una cresença de luxe mendre còst (low cost) ?
Cossi s’en fòragandir ?
#36 Son pas lo manat d'adèptas de l'alara pichona sècta crestiana fanatica que capitèran a impausar lor pensada fantasierosa a l'Empèri Roman. Es lo poder imperial ( Constantin) que l'intrumentalizèt e l'impausèt autoritàriament per renforçar son poder e son emprèsa suls esperits. Son pas lo manat pichon de LGBTI qu'an capitat a impausar lors tissas destimborladas (coma entre autras lo marridatge pedacho) en Occident, es lo poder d'aqueles païses qu'an sauput las intrumentalizar per far diversion dels problèmas socio-economics que patissan lo poble e que lor resolucion seria contrària als interesses de la classa dominanta. Nos ensucan de longa de lor propaganda bauja per nos impausar lor totalitarisme ultracapitalista ("ultraliberal" in v.o. politicament corrècta) e contunhar d'esplechar sauvatjament las populacions. Es aquel manipoli cinic que fai cagar, pas qu'un manat de paures enlucèrnats se fagan plaser en s'imatginant que serian lo contrari de ço que son.
#29 Fòrça estranh. Omosexuaus persecutats, trucats, trufats, empresoats, tuats, n'i avoc a bodre mes lo contrari pas jamès. Comprengui pas com se pòt cambiar atau la realitat.
I a dejà un omosexuau que'vs a obligat d'estar omo ? Que'vs a obligat de seguir una terapia per vénguer omo ? E ben lavetz, on es vòste problèma ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari