capçalera campanha

Actualitats

InternacionalPoliticaSocietat

Lo “convòi de la libertat” es arribat a París malgrat un enòrme desplegament policièr

De contraròtles rotièrs e 7000 policièrs desplegats a París an ensajat d’empachar la venguda de las protèstas antirestriccions

| @AnonymeCitoyen

Tèxte legit

Lo movement antirestriccions, conegut coma “convòi de la libertat”, es arribat a París aqueste dissabte, malgrat un gran desplegament policièr. D’un caire, de contraròtles rotièrs an empedit l’arribada a París de fòrça manifestants. D’autre caire, se son desplegats 7000 policièrs per tota la vila de París. Divèrses cortègis an manifestat dins de quartièrs desparièrs e qualques unes an quitament capitat a arribar als Aliscamps ont la polícia lor a lançats de gases lacrimogèns e a detengut fòrça manifestants.
 
La fòrça e la capacitat de mobilizacion de l’iniciativa es de mal preveire, mas lo grop Facebook “Le convoi de la liberté”, que se creèt lo 26 de genièr, ten 275 000 membres. A mai, i a de canals per coordenar la mobilizacion, coma lo grop de Telegram “Convoy France”, que ten aperaquí 25 000 simpatizants. S’aquel supòrt en linha se revirèsse vertadièrament en un supòrt fisic, i auriá un risc real de paralisar las comunicacions de París e Brussèlas pendent qualques jorns.
 
Dins lo cas del “convòi de la libertat” sortit dins l’estat francés, es pas una mobilizacion de menaires de camion, coma se passa en Canadà, mas un grop mai eterogenèu de personas ont se tròba de mond que refusan lo passador vaccinal e tanben de gilets jaunes.
 
   
 
 
 


abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lo vibre que se congosta de trablhar ambe....
15.

#13

òc ben ... T'anguessas pas virar la sang vai !

  • 1
  • 2
Emmanuèl Isopet
14.

#11 Podèm donc quitar de parlar còp sec d'aquela question sens importància.
#7 Cresi que l'usatge es pas fixat e definitu dinc cap de lenga. Hong Kong es atal dins totas las lengas cresi ben (levat amainatjaments grafics), ne coneiss pas qu'apelèssen aquesta vila "lo pòrt dels perfums".
Pels noms de vias, n'es parièr: i a trantalh pels "Champs Élysées" de la capitala francesa. N'i a pas per la Canavièra de Marselha o pel Lido de Venécia o per Wall Street (quitament pels espanhòls que ça que la situisson aquesta carrièra a Nueva York - mitat de traduccion-).
E Bombay deven/tòrna Mumbai per gaireben tot lo monde.

  • 10
  • 0
Emmanuèl Isopet
13.

#11 Podèm donc quitar de parlar còp sec d'aquela question sens importància.

  • 6
  • 2
Lo vibre que se congosta de trablhar ambe....
12.

#11

Los poças ensangnosits aumentan pas los locutors en occitan !

Cal plan agachar la vertat adrech ! Amai se te convent pas !

Es lo sol mejan per se tirar d'aquela malparada !

  • 2
  • 3
Lo vibre que se congosta de trablhar ambe....
11.

#6
Dins 50 ans i aurà cap pus d'occitans e nòstra lenga sarà lenga mòrta dins son emplèc de cada jorn.

  • 1
  • 5

Escriu un comentari sus aqueste article