Actualitats
“Voldriái una pizza”, lo messatge chifrat per denonciar las violéncias conjugalas
Lo telefon d’urgéncia 112 de Toscana recep almens doas telefonadas per setmana d’aquela sòrta
Tèxte legit
“Digatz-me, voldriái una pizza” es vengut un messatge clau emplegat en Itàlia per denonciar al 112 las violéncias conjugalas, çò que permet de detectar almens dos cases per setmana segon La Repubblica. Lo quotidian italian publica una convèrsa amb lo responsable del telefòn d’urgéncias, Alessio Lubriani, qu’assegura que cada 3 o 4 jorns lor arriba una telefonada d’aquela mena, sustot de femnas d’entre 20 e 30 ans.
Al moment de la telefonada, los operators del 112 respondon amb un ton tranquil e bas e pausan de questions que s’i pòscan respondre per de simples “òc” o “non”. Mentretant, avertisson la polícia e demandan a la victima se permet d’èsser geolocalizada.
Dempuèi que se metèt en marcha aquel servici chifrat per denonciar las violéncias conjugalas en 2020, lo nombre de telefonadas aumenta totjorn que mai. Son exclusivament de femnas qu’apèlan.
Un autre messatge clau per avertir discretament la polícia lo promoguèt la Fondacion Canadenca de las Femnas, e se tracta d’un gèst que se fa la man dobèrta en mostrant la palma, puèi se dobla lo poce e se baissa los autres dets fins a barrar dapasset lo ponh. Aquel gèst a permés d’arrestar qualques agressors.
Dins las illas Canàrias, an promogut una campanha per demandar d’ajuda a las farmacias. Dins aquel cas, cal intrar dins una farmacia e demandar una “masca 19”. L’inciativa a plan foncionat e s’es exportada en Chile.
En Occitània, las personas que creson de poder patir de violéncias conjugalas pòdon cridar ajuda, aital:
— de las Valadas o la Gàrdia estant, apelar lo 112 e dire “pronto, vorrei una pizza”;
— de la Val d’Aran estant, telefonar al 016 o ben mandar un WhatsApp al numèro 600 000 016, lo servici garentís una atencion en 53 lengas;
— de la rèsta d’Occitània, apelar lo 3919.
Aqueles servicis foncionan 24 ora sus 24, las telefonadas son pas enregistradas e tot es confidencial.
Al moment de la telefonada, los operators del 112 respondon amb un ton tranquil e bas e pausan de questions que s’i pòscan respondre per de simples “òc” o “non”. Mentretant, avertisson la polícia e demandan a la victima se permet d’èsser geolocalizada.
Dempuèi que se metèt en marcha aquel servici chifrat per denonciar las violéncias conjugalas en 2020, lo nombre de telefonadas aumenta totjorn que mai. Son exclusivament de femnas qu’apèlan.
Un autre messatge clau per avertir discretament la polícia lo promoguèt la Fondacion Canadenca de las Femnas, e se tracta d’un gèst que se fa la man dobèrta en mostrant la palma, puèi se dobla lo poce e se baissa los autres dets fins a barrar dapasset lo ponh. Aquel gèst a permés d’arrestar qualques agressors.
Dins las illas Canàrias, an promogut una campanha per demandar d’ajuda a las farmacias. Dins aquel cas, cal intrar dins una farmacia e demandar una “masca 19”. L’inciativa a plan foncionat e s’es exportada en Chile.
En Occitània, las personas que creson de poder patir de violéncias conjugalas pòdon cridar ajuda, aital:
— de las Valadas o la Gàrdia estant, apelar lo 112 e dire “pronto, vorrei una pizza”;
— de la Val d’Aran estant, telefonar al 016 o ben mandar un WhatsApp al numèro 600 000 016, lo servici garentís una atencion en 53 lengas;
— de la rèsta d’Occitània, apelar lo 3919.
Aqueles servicis foncionan 24 ora sus 24, las telefonadas son pas enregistradas e tot es confidencial.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari