capçalera campanha

Actualitats

InternacionalSocietat

Sant Llorenç de la Salanca: almens sèt mòrts dins l’explosion d’una especiariá-rostissariá

L’incendi consecutiu a afectat una quinzena d’abitatges e a fach evacuar una trentena de personas

Tèxte legit

Una explosion dins una especiariá-rostissariá de Sant Llorenç de la Salanca (Catalonha) a tuat almens sèt personas, dont dos enfants. I a tanben quatre personas nafradas, dont una plan grèvament. S’agís d’un òme d’aperaquí 30 ans qu’a sautat del segond estanci per fugir las flamas, e que l’an menat a l’espital Lapeyronie de Montpelhièr, çò rapòrta Vilaweb.
 
L’explosion aguèt luòc dins la nuèch de dimenge a diluns. L’incendi consecutiu a afectat una quinzena d’abitatges e a fach evacuar una trentena de personas.
 
“Ai ausit una fòrta explosion. L’ostal a tanplan tremolat. Ai dobèrt los contravents, i aviá de fumada pertot. Soi venguda a la lèsta per veire çò que se passava. L’immòble èra ja en flamas. Èra impressionant”, çò a explicat un abitant del quartièr a L’Indépendant.
 
Una centena de pompièrs son estats mobilizats. Lo ministre de l’Interior francés, Gérald Darmanin, se desplacèt sus plaça.
 
Una enquista s’es dobèrta per determinar las causas de l’explosion. 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article