Actualitats
Belgica prepausa la setmana de quatre jorns e reconeis lo “drech de desconnectar”
“Aqueles cambiaments se faràn a la demanda de l’emplegat, e l’entrepresa deurà aduire de bonas rasons per los refusar”, çò a dich lo ministre de l’emplec
Tèxte legit
La proposicion de reforma concedirà als obrièrs bèlgas la possibilitat de sollicitar una setmana de quatre jorns pendent un periòde d’assag de sièis meses. Dins aquel nòu sistèma, las oras trabalhadas serián las meteissas qu'ara (38), mas se concentrarián dins quatre jorns. Tanlèu acabat aquel periòde d’assag, los salariats poirián decidir se mantenon la setmana de quatre jorns o se tornan al format original de cinc jorns.
“Aqueles cambiaments se faràn a la demanda de l’emplegat, e l’entrepresa deurà aduire de bonas rasons per los refusar” çò a explicat lo ministre bèlga de l’emplec, Pierre-Yves Dermagne, dins la conferéncia de premsa de presentacion de la reforma. “La reforma beneficiarà, sustot, als que voldràn passar mai de temps amb lors enfants”, çò a apondut lo ministre.
Ara, l’intrada en vigor de la proposicion de reforma pòt esperar qualques meses, pr’amor que lo document deu èsser aprovat pel parlament del Plan País.
La réforme du marché du travail validé en kern : des avancées concrètes pour tous les travailleurs !
— Pierre-Yves Dermagne (@PYDermagne) February 15, 2022
Droit à la formation bétonné
✔️Protection travailleurs plateforme
Conciliation vie prof./privée
Mesures booster d'emploi #reforme#emploi#ambition#begov
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sembla qu’aquò es la prumièra plega d’un projecte mai grand, probable al nivèl europenc.
Se sembla quicòm de plan en teoria pausa d’autres embarcs, se lo nombre de jorn de trabalh demesis, lo nombre oras de trabalh aumenta dins los quatre jorns que damoran trabalhats.
Per las familhas va caler trobar mai de gardas pels mainatges e daissar los grandets sens agach e se pausar mai tard a l’ostal.
Puèi se sap tanben que mai la jornada es longa mai la productivitat demesís, es una perda de productivitat a l’asuèlh.
Complicacions per les antrepresas qu’auràn los que trabalhan 5 jorns e los que trabalhan 4 jorn,
ambe d’oraris disparièrs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari