L’eurodeputat bulgar Angel Dzhambazki, ultradrechista, faguèt dimècres passat lo salut nazi a la fin de son intervencion al Parlament Europèu.  Dzhambazki mostrava aital son oposicion a las sancions contra Polonha e Ongria pel non-respècte de l’estat de drech, e aguèt un afrontament verbal amb la vicepresidenta de la cambra, Pina Picierno.
 
Lo gèst a congreat l’indignacion de plusors eurodiputats, coma los liberals Pascal Durand e Nicola Danti, qu'an demandat una sancion exemplara. La presidenta del parlament, Roberta Metsola, a escrich sus Twitter: “Una saludacion fascista dins lo Parlament Europèu es inacceptabla per ieu, totjorn e pertot. M’otratja a ieu e la rèsta d’Euròpa. Defendèm lo contrari. Sèm l'ostal de la democracia. Aquel gèst es un dels capítols mai escurs de nòstra istòria e deu èsser exclús.”
 
De remembrar que lo Parlament Europèu levèt arunan l’immunitat parlamentària als elegits independentistas catalans en exili Carles Puigdemont, Clara Ponsatí e Toni Comín, en seguida de la demanda de la Cort Suprèma espanhòla e segon un rapòrt prepausat per Angel Dzhambazki.
 

A fascist salute in the European Parliament is unacceptable to me - always and everywhere.

It offends me and everyone else in Europe.

We stand for the opposite.

We are the House of democracy.

That gesture is from the darkest chapter of our history and must be left there.

— Roberta Metsola (@RobertaMetsola) February 16, 2022

 
 

Parce qu'il a défendu l'état de droit en, @sandrogozi s'est fait insulter par l'eurodéputé @djambazki, qui a quitté l'hémicycle en faisant un scandaleux salut nazi.

Tu as tout notre soutien Sandro.

Nous demandons à Mme Metsola, @EP_President, d'agir. pic.twitter.com/rIXrbB5wO1

— Renaissance (@Renaissance_UE) February 16, 2022