Almens 200 000 estudiants manifestèron divendres passat dins las principalas vilas italianas, dont qualques milièrs a Turin. Jol lèma “se pòt pas morir de l’escòla”, protestavan contra la mòrt de dos joves borsièrs en mens d’un mes e reclamavan mai de seguretat dins las practicas professionalas que fan los borsièrs dins las entrepresas.
 
Las victimas son Lorenzo Parelli, de 18 ans, que moriguèt après qu’una barra d’acièr li foguèt tombada dessús, e Giuseppe Lenoci, de 16 ans, que foguèt reversat per una camioneta.
 
Dins la capitala piemontesa i aguèt de rambalhs e se rapòrta sèt policièrs nafrats, quand los manifestants ensajavan d’accedir al sèti del patronat, çò es l’Union Industriala de Turin.
 
I aguèt de protèstas dins d’autras vilas coma Roma, Nàpols, Bari, Bolonha, Palèrme... totas jol meteis lèma.
 
Los estudiants demandan mai de seguretat, mens de precarietat e mens d´esplecha, e exigisson la demission del ministre italian de l’educacion, Patrizio Bianchi, e de la ministra de l’Interior, Luciana Lamorgese, en aqueste darrièr cas per las excessivas cargas policièras dins l’acampament de Turin de la fin de genièr.
 
La Confederacion Generala Italiana del Trabalh (CGIL) a declarat son sosten als manifestants e a demandat al govèrn italian de tornar pensar los regims de practicas professionalas que las devon far los estudiants.
 
 

L’urlo degli studenti in 40 città: «Non si può morire di scuola» | il manifesto https://t.co/os2vGG8xRj

— il manifesto (@ilmanifesto) February 18, 2022

Solidarietà e vicinanza agli studenti in corteo contro alternanza, repressione e maturità perché di scuola non si può morire. #noallascuoladeipadroni#alternanzascuolalavoro#studentiinpiazzapic.twitter.com/qSRPxeMHe2

— Mariano De Carlo (@MarianoDeCarlo1) February 18, 2022
 

“Di scuola non si può morire”, studenti in piazza: a Torino bastoni e manganellate davanti all’Unione Industriale. Sette feriti tra le forze dell’ordine https://t.co/AI0jn3cZHH

— il Bisa  (@ilbisa2) February 18, 2022