Actualitats
Alsàcia vòl quitar la region Grand Èst e tornar venir una region de plen drech
Segon çò qu’an votat lo 92,4% dels participants a la consulta ciutadana sus l’avenidor d’Alsàcia
Tèxte legit
Lo 92,4% dels participants a la consulta ciutadana sus l’avenidor d’Alsàcia vòlon sortir de la region dicha Grand Èst. 142 000 vòtes sus 168 456 se son prononciats en favor del fach que lo país de la riba esquèrra de Ren abandone aquela region e siá “tornarmai una region de plen drech”. Lo resultat se faguèt venir public diluns passat, 21 de febrièr, pendent una conferéncia de premsa tenguda a Kolmer per la Collectivitat Europèa d’Alsàcia, qu’a organizat lo vòte.
Etre lo 20 de decembre e lo 15 de febrièr, los participants votèron en linha, per corrièr o en depausant lor bulletin de vòte al sit de la Collectivitat Europèa d’Alsàcia a Estrasborg, ont s’èra aviada la consulta. Los participants devián respondre “òc” o “non” a la question “Alsàcia deu sortir del Grand Èst per tornar venir una Region de plen drech”.
Alsàcia foguèt una region administrativa fins al 1r de genièr de 2016, quand foguèt amalgamada amb Champanha-Ardena e Lorena per formar la region dicha Grand Èst, a partir de la lei NOTRe, aprovada per l’Assemblada Nacionala francesa.
La decision foguèt impopulara en Alsàcia e en 2019 los conselhs departamentals del Bas Ren e del Naut Ren aprovèron la creacion de la Collectivitat Europèa d’Alsàcia, que lo 1r de genièr de 2021 assumiguèt las competéncias dels dos departaments e ne recebèt qualques addicionalas. Totun, la collectivitat a mens de competéncias e de ressorsas qu’una region, e demòra dins la region Grand Èst.
Etre lo 20 de decembre e lo 15 de febrièr, los participants votèron en linha, per corrièr o en depausant lor bulletin de vòte al sit de la Collectivitat Europèa d’Alsàcia a Estrasborg, ont s’èra aviada la consulta. Los participants devián respondre “òc” o “non” a la question “Alsàcia deu sortir del Grand Èst per tornar venir una Region de plen drech”.
Alsàcia foguèt una region administrativa fins al 1r de genièr de 2016, quand foguèt amalgamada amb Champanha-Ardena e Lorena per formar la region dicha Grand Èst, a partir de la lei NOTRe, aprovada per l’Assemblada Nacionala francesa.
La decision foguèt impopulara en Alsàcia e en 2019 los conselhs departamentals del Bas Ren e del Naut Ren aprovèron la creacion de la Collectivitat Europèa d’Alsàcia, que lo 1r de genièr de 2021 assumiguèt las competéncias dels dos departaments e ne recebèt qualques addicionalas. Totun, la collectivitat a mens de competéncias e de ressorsas qu’una region, e demòra dins la region Grand Èst.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La refòrma regionala de Hollande e Valls foguèt una catastròfa. Volián de regions pus grandas coma los Länder d'Alemanha per las far pus poderosas - mès lo Land de Bremen a 500.000 abitants e lo critèri èra mai las competéncias que la talha. An refusat de destacar de competéncias de l'estat per las donar a la region. La volontat èra d'estalviar l'argent public e la refòrma costèt pus car que çò que i aviá abans, mai que mai dins la region de la simpatica Carole Delgà. Aviam de regions culturalament plan bastidas, per exemple en Miègjorn-Pirenèus, i aviá lo meteis sistèma de valors dins lo Gers gascon e l'Albigés lengadocian. E parlem pas de la Novèla Aquitània, escartairada entre las Deux-Chèvres e lo Bearn. Al contrari, lo sistèma de valors es opausat entre l'Albigés e lo Bas Lengadòc, doás partidas de l'Occitania-cropinhon. E nòstres abitants an votat per agreujar lo mal en nommant democraticament"Occitania" la region centrala, per tal de far creire als lemosins, als auvernhats (aquestes, totjorn oblidats dels autres occitans !) e als provençals que son pas occitans.
I a pas qu'una solution, que costarà quicòm encara ! es de reconstituïr las ancianas, eventualament en fasent de consultacions per far passar un departament d'un bòrn o de l'autre. Segur, poirián far una region Occitania d'Arcaishon a Niça e de Quilhan a Montluçon, mès... somiem pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari