Actualitats
Russia reconeis las independéncias de Donetzk e Lugansk e i manda l’armada “per i garentir la patz”
La decision Putin la prenguèt l’endeman d’aver parlat amb Emmanuel Macron, al près del qual s’èra engatjat a trabalhar per aténher una alta al fuòc en Donbass
Tèxte legit
Lo president de Rússia, Vladimir Putin, anoncièt diluns passat que Russia reconeisssiá l’independéncia de las republicas popularas de Donetzk e Lugansk, que s’autoproclamèron independentas fa uèch ans. A mai, i a mandat l’armada “per i manténer la patz”. Aquò es arribat après que los caps de Donetzk, Denis Pushilin, e de Lugansk, Leonid Pasechnik, demandèron al president rus que reconeguèsse l'independéncia d’aqueles dos territòris e la possibilitat d'establir d'acòrdis de cooperacion bilaterals amb cadun.
La decision Putin la prenguèt l’endeman d’aver parlat amb lo president francés, Emmanuel Macron, al près del qual s’èra engatjat a trabalhar per aténher una alta al fuòc en Donbass, la region de l’èst d’Ucraïna ont son Donetzk e Lugansk.
Al moment de proclamar la reconeissença de las doas independéncias, Putin assegurèt que la situacion sus aqueles territòris s’èra agreujada dins las darrièras setmanas e mai remarquèsse qu’Ucraïna “son de camaradas e d’èssers aimats”.
Dins son parladís, Putin remembrèt l’istòria d’Ucraïna e de Russia, soslinhèt los ligams de sang entre russes e ucraïneses e mai ramentèt qu’Ucraïna l’aviá creada Lenin, e denoncièt que dins los darrièrs ans s’i èra establit un “nacionalisme radical russofòb”. Putin acusèt las bancas occidentalas e los Estats Units de preparar una arma de destruccion massiva: “Sabèm qu'Ucraïna dispausa de tecnologia nucleara e de la possibilitat d'utilizar aquel armament", çò diguèt en tot justificar que caliá agir davant aquela menaça. Enfin, acusèt Ucraïna de la situacion en Donbass.
Una de las principalas demandas de Putin èra que s’apliquèsse lo Protocòl de Minsk, un acòrdi per metre fin a la guèrra en Donbass signat per totas las parts en 2015. Aquel acòrdi establissiá que las autoritats ucraïnesas s’engatjavan a promòure una reforma constitucionala que comprenguèsse l’autonomia per Donetzk e per Lugansk. Aquela reforma seriá fòrça impopulara en Ucraïna e s’es pas jamai mesa en òbra.
D’autre latz, diguèt que l’integracion d’Ucraïna dins l’OTAN es una menaça per la seguretat de Russia. Segon Putin, de documents de l’OTAN mençonan Russia coma la principala menaça per sa seguretat. Dins aquel sens se demandèt perqué l’Aliança Atlantica los considerava coma d’enemics.
L’UE condemna las reconeissenças de Putin “amb la màger fermetat”
L'Union Europèa a condemnat la reconeissença de l'independéncia de Donetzk e Lugansk de part de Russia. Dins un comunicat conjonch, lo president del Conselh Europèu, Charles Michel, e la presidenta de la Comission Europèa, Ursula Von der Leyen, condemnèron diluns de ser “amb la màger fermetat” la decision del president rus de reconéisser “los airals non contarotlats pel govèrn [ucraïnés] de las províncias de Donetzk e Lugansk” e o considèran coma “una violacion flagranta del drech internacional e dels Acòrdis de Minsk”. Dins aquel sens, Michel e Von der Leyen asseguran que l'UE “reagirà amb de sancions”.
La decision Putin la prenguèt l’endeman d’aver parlat amb lo president francés, Emmanuel Macron, al près del qual s’èra engatjat a trabalhar per aténher una alta al fuòc en Donbass, la region de l’èst d’Ucraïna ont son Donetzk e Lugansk.
Al moment de proclamar la reconeissença de las doas independéncias, Putin assegurèt que la situacion sus aqueles territòris s’èra agreujada dins las darrièras setmanas e mai remarquèsse qu’Ucraïna “son de camaradas e d’èssers aimats”.
Dins son parladís, Putin remembrèt l’istòria d’Ucraïna e de Russia, soslinhèt los ligams de sang entre russes e ucraïneses e mai ramentèt qu’Ucraïna l’aviá creada Lenin, e denoncièt que dins los darrièrs ans s’i èra establit un “nacionalisme radical russofòb”. Putin acusèt las bancas occidentalas e los Estats Units de preparar una arma de destruccion massiva: “Sabèm qu'Ucraïna dispausa de tecnologia nucleara e de la possibilitat d'utilizar aquel armament", çò diguèt en tot justificar que caliá agir davant aquela menaça. Enfin, acusèt Ucraïna de la situacion en Donbass.
Una de las principalas demandas de Putin èra que s’apliquèsse lo Protocòl de Minsk, un acòrdi per metre fin a la guèrra en Donbass signat per totas las parts en 2015. Aquel acòrdi establissiá que las autoritats ucraïnesas s’engatjavan a promòure una reforma constitucionala que comprenguèsse l’autonomia per Donetzk e per Lugansk. Aquela reforma seriá fòrça impopulara en Ucraïna e s’es pas jamai mesa en òbra.
D’autre latz, diguèt que l’integracion d’Ucraïna dins l’OTAN es una menaça per la seguretat de Russia. Segon Putin, de documents de l’OTAN mençonan Russia coma la principala menaça per sa seguretat. Dins aquel sens se demandèt perqué l’Aliança Atlantica los considerava coma d’enemics.
L’UE condemna las reconeissenças de Putin “amb la màger fermetat”
L'Union Europèa a condemnat la reconeissença de l'independéncia de Donetzk e Lugansk de part de Russia. Dins un comunicat conjonch, lo president del Conselh Europèu, Charles Michel, e la presidenta de la Comission Europèa, Ursula Von der Leyen, condemnèron diluns de ser “amb la màger fermetat” la decision del president rus de reconéisser “los airals non contarotlats pel govèrn [ucraïnés] de las províncias de Donetzk e Lugansk” e o considèran coma “una violacion flagranta del drech internacional e dels Acòrdis de Minsk”. Dins aquel sens, Michel e Von der Leyen asseguran que l'UE “reagirà amb de sancions”.
A Donetsk, l'ambient és de celebració, després que Putin reconegués la seva independència.pic.twitter.com/rgvUPCIvGl
— El Pregoner (@_ElPregoner) February 21, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De doblidar pas que tot aquel rambalh far pujar lo pretz dels minerals estrategics Palladi, platin, cobalt, son exportats en granda quantitat per Russia e Europa n’es necèirósa
Europa es benlèu a la crozada dels camins, que s’esperava un demesiment del consum del petrol per la transission energetica al profièg del gas. Los cors en pujat e Russia s’emplena las fondas en vendent a China Indiá eca.
Russia tanben es un dels mai grand exportator de blat al mond ambe Ucraina e aqui tanben pujan los pretz.
Aquela tarzansa pausa questions sus l’aprovisionament d’Alamanha que 55% de sas importacions de gas venon de Russia una chifra en aumentacion de 15 punts dempuèi 2012. D’apèi "Statistic Review of World Energy". Lo gas calfa 50% dels ostals d’Alamanha, d’autres país europencs fan servir lo gas Rus.
Fransa que lo mesclum energetic n’es a 21% sul gas ten pas un grand repercutiment.
Baste que l’invèrn fusquèssa doç.
« Nord Stream 2 »
Acabat a la fin de setembre de 2021 apèi cinc ans de trabalh, lo gazoduc permeja a Russia d'exportar 110 Milhards de m3 de gas natural per an, qu’es la mitat de las liurasons cap a europa.
Aquela empresa fusquèc finançada per cinc grops europencs (Engie, Wintershall Dea, Uniper, Shell)
Lo gazoduc es expleitat per Gazprom lo gigant Rus.
« ai demandat al ministèri de l’economia e a l’agencia federala de certificacion de l’empresa d’atancar los trabalhs de certificacion ça diguèc Olaf Scholz. Sens aquela certificacion » Nord stream 2 » non pòt èsser metut en servici.
(se comprèni plan sariá sonqu'una tarzansa per "Nord Stream 2")
Dins un autre domèni ligat, la crisi fa resson sul petrol :
Auèi avèm lo pretz de brent qu’a pujat entrò 99,50$, a-n-aquest’ ora es a 96,86$. Vos rasseguri va passar lo 100$ lo « barril ».
#2 Ha ha ha. Coneissètz benlèu pas grand causa de l'afar, malastrosament. L'article comenta pas qu'un costat amb de consideracions minimalistas a la fin per far semblant d'èsser imparcial. Mostrar per exemple la jòia dins las republicas autoproclamadas quand en realitat la màger part dels imatges mòstran que i avia' pas que quatre gats (e encara) estant que mandan de fòrça los òmes relativament joves a l'armada. Sètz del costat de Lokaishenko o de Kadirov, cal o dire clarament. Vos geinan pas los assassinats de Politovskaia, Nemtsòv o la detencion sistematica de Navalny... I a de causas que se pòdon pas comparar... sens voler laissar de caire las politicas (neo/post) colonialistas americanas, francesas, britanicas o autras, avèm en Russia una de las personas mai perilhosas d'aquesta planeta. Avètz besonh de lunetas o d'un microscòpi electronic o d'un telescòpi Hubble per o veire, es un problèmas dels gròsses!
De pausar la question de far quicòm e de damorar pas enjaurits.
De que farà lo chinchon de l'Alís (Alís per Elysée ça ditz Mistral)
Mandar l’armada ?
Europa es dependenta del gas Rus, se Putin clava los tudèls Alemanha perd 55% de son energia e europa devèrs 45%.
Los tirar del SWIFT, malhum de pagament e d’escambi inter bancaris internacional. Sariá una complicacion pels Rus pas mai.
Los empedir d’aver las tecnologias de punta ? passarian per China.
Sus la durada sariá de demesir la dependencia dels gas de l’U.E cap a Russia, mas per ora me sembla un luxe pas possible.
Lo rei es nus !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari