capçalera campanha

Actualitats

InternacionalPoliticaSocietat

Per Trump, Putin es un gèni fòrça intelligent

L’èx-president estatsunidenc lausèt l’estrategia de Putin dimars passat dins una emission de ràdio. A mai, critiquèt Biden e l’acusèt tornarmai de frauda electorala

| The Clay Travis and Buck Sexton Show

Tèxte legit

L’èx-president dels Estats Units, Donald Trump, a fach l’elògi de Putin e de son estrategia en Ucraïna. “Putin declara independenta una granda partida d’Ucraïna. Aquò es genial […] Avèm aicí afar a un tipe qu’es fòrça intelligent. Lo coneissi fort plan”, çò diguèt dimars passat dins una entrevista de ràdio.
 
Dins aquel sens, Trump qualifiquèt de “meravilhosas” las mesuras militaras del cap rus a las frontièras d’Ucraïna en tot suggerir que Washington deuriá far la meteissa causa a las frontièras del sud dels Estats Units. “Aquò es la fòrça de patz mai fòrta qu’aja jamai vist. I aviá mai de tancs de l’armada que çò qu’aviái jamai vist. Mantendràn la patz fòrt plan. La poiriam emplegar a nòstra frontièra sud”, çò diguèt.
 
Tanben critiquèt fòrça lo president Biden en tot assegurar qu’aqueste conflicte li seriá pas jamai arribat a el, Trump, puèi qu'èra totjorn a l’Ostal Blanc. A mai, ne profechèt tornarmai per acusar Biden de frauda electorala a l'eleccion presidenciala de 2020.
 
 
 
 abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Joan Marc
2.

#1 Lo deliri contunha. Sabiái pas que Putin e Trump èran paures e que luchavan contra los miliardaris. Arrestatz de fumar de substàncias illicitas ! : es marrit per la santat mental !

  • 12
  • 0
pierre lachaud
1.

De segur l'òm compres ren a d'aquela guerra si l'òm pensa en terme d'un pais contre un autre. Es una guerra internacionala entre los miliardairis que tenan las multinacionalas e la Resistança Internacionala controlada per Putin e Trump. Biden es pas a l'ostal blanc; Es dins una sala de cinema a oliwood e sol los medias plan paiats per los miliardairis son aqui per perpetuar la messonja.
Apres l'uKraina quò sera lo torn de l'UE e de lòrs governaments coromputs.
D'aqui une crisa economica menaça Euròpe e Estats-Unis e lo dolar porria banlevar. Las monedas basadas sur lo dolar porrian en patir e una novela mondeda internacionala basada sur l'aur poria venir.

  • 0
  • 24

Escriu un comentari sus aqueste article