Actualitats
La guèrra a començat dins l’èst d’Euròpa
Russia a lançat aquesta nuèch una operacion militara de granda portada sus Ucraïna
Tèxte legit
La guèrra a començat en Ucraïna. Russia a lançat aquesta nuèch una operacion militara de granda portada. Qualques minutas abans 3h (4h en Occitània), lo president rus, Vladimir Putin, a anonciat qu’aviá “pres la decision d’una operacion militara”, limitada a Donbass. Totun, las autoritats ucraïnesas asseguran que s’es bombardat Kyiiv e d’autras vilas ucraïnesas. Demest las diversas informacions qu’arriban, e qu’avèm pas pogut verificar, se ditz que de tancs son intrats en Ucraïna de Bielorussia estant. Sembla que plusors installacions militaras ucraïnesas serián estadas bombardadas. L'aeropòrt de Kyiiv es estat evacuat e s'es barrat l'espaci aerian. Lo cònsol de Kyiiv a demandat als ciutadans de demorar dins lors ostals.
Lo president ucraïnés a dich, dins un messatge vidèo publicat sus Facebook, que son “prèstes per tot” e que venceràn. Mentretant, l’armada ucraïnesa a mobilizats totes los reservistas d'entre 18 e 60 ans.
La reaccion de Biden, de las Nacions Unidas e de l'OTAN son estats immediatas. Avertisson Putin qu'a comés un acte d'una temeritat de las consequéncias incalculablas.
L'OTAN a ja convocada una reünion d'urgéncia aqueste matin. Las borsas asiaticas an reagit amb de fòrtas pèrdas e lo prètz del barril de petròli a despassat sul pic los 100 dolars.
Aquesta informacion deu èsser actualizada. Mentretant, podètz seguir las informacions en dirècte sus:
— En catalan: 3/24
— En Italian: Rai News 24
— En espanòl: RTVE
— En francés: France 24
Lo president ucraïnés a dich, dins un messatge vidèo publicat sus Facebook, que son “prèstes per tot” e que venceràn. Mentretant, l’armada ucraïnesa a mobilizats totes los reservistas d'entre 18 e 60 ans.
La reaccion de Biden, de las Nacions Unidas e de l'OTAN son estats immediatas. Avertisson Putin qu'a comés un acte d'una temeritat de las consequéncias incalculablas.
L'OTAN a ja convocada una reünion d'urgéncia aqueste matin. Las borsas asiaticas an reagit amb de fòrtas pèrdas e lo prètz del barril de petròli a despassat sul pic los 100 dolars.
Aquesta informacion deu èsser actualizada. Mentretant, podètz seguir las informacions en dirècte sus:
— En catalan: 3/24
— En Italian: Rai News 24
— En espanòl: RTVE
— En francés: France 24
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#37 Los ukraïnians qu'an grandament contribuit a la shoa son ad patres dempuèi un brave moment o sul punt d'i anar. Los enfants e reires an pas mai de responsabilitat que los descendents dels collaborators pétainistas.
#38 Parlar de "denazificacion" es lo punt godwin; desqualifica automaticament aquel de l'utiliza.
#37 Aunestament, anar comunicar sus la "denazificacion" d'Ucraina, quan sabem que la Russia ei un sostien de l'extrèma dreta en Euròpe qu'ei, vertadièrament, trufà's deu monde...
https://www.umontpellier.fr/articles/la-russie-terre-promise-de-lextreme-droite-francaise
#35 1) Es que los ucraïnans, qu'an grandament contribuït a la shoah , èran vertadièrament al fial que Zelensky èra josiu quand l'an elegit ?
2) Ieu tanben quand vesèri Barack Obama elegit creguèri nèciament qu'America avia quitat d'ésser racista.
3) Qui vòl escanar son gos l'accusa de la ràbia. Sem plan d'acòrdi es a n aquò que jòga Potin amb son deliri de "denazificacion". Darrièra novèla, aquel tonton Vlad que tuba un pauc tròp de moquèta ven d'accusar lo govèrn ucraïnan d'ésser pas qu'una "una còla de potingats". E ben....
#32#16#33#24 Volètz pas d'un genocidi roergat espèri? Foguèsse a Paris!
https://www.pariszigzag.fr/secret/histoire-insolite-paris/il-y-a-plus-daveyronnais-a-paris-quen-aveyron
L'asirança es totjorn marrida conselhièra. Un Paris raiat de la carta me farà pas mai uros, e subretot farà pas res de mai per la lenga nòstra.
Paratge, mesura, convivéncia, mercé, amor e larguesa son de valors qu'avèm totes a far créisser.
#27 En Ucrania, l'extrèma dreta qu'ei a 5% contra 30% en Franca. De mei, lo president ucrainan qu'ei judiu. Donc, aquesta istòria de "denazifiar" Ucraina qu'ei bullshit.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari