Dins un temps que s’espèra èsser lèu la fin de la pandemia de covid-19, lo moment internacional de la Dictada occitana a repres après 2 ans de pausa. Se tenent regularament entre Itàlia e Espanha cada debuta de l’annada civila, ongan es estada organizada coma regularament dins de nombrosas vilas del sud de França que parlan la lenga d’òc, mas es estada tanben organizada a París.
 
Quatre vilas catalanofònas i an egalament pres part, Barcelona la capitala de la region catalana ont l’occitan es cooficial amb lo catalan e l’espanhòl gràcias a la Val d’Aran, mas tanben doas vilas del País Valencian e una vila de Malhòrca, Palma, ont se tenon de corses d’occitan.
 
Lo licèu Curie de Menton i a participat coma dempuèi qualques annadas.
 
Los 15 escolans dels corses de Primièra e de Terminala de vivaroalpenc mentonasc i an pres part.
 
Es l’autor el meteis, qu’es lor professor M. Revest Laurenç, qu’a dictat lo tèxt, una legenda mentonasca “Ra legenda dau pescaluna” (legenda de l’utopista).
 
De diplòmas d’onor son estats donats amb un pichon remembre.
 
L’ocasion de parlar de creacions en lenga uèi amb los escolans, mas tanben de pantaisses en de tempses que n’avèm de besonh.
 
La dictada èran 117 mòts del tèxt “Ra legenda dau pescaluna” trach del darrièr libre de contes de Laurenç Revèst De valaias en valaas editat per L’IEO Provença-Alps-Còsta d’Azur, 2021, 88 p. 
 
 
 
 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…