Actualitats
Honduras: an remes en libertat los activistas environamentalistas de Guapinol
Après dos ans de preson preventiva e un procès internacionalament contestat, los an relaxats
Tèxte legit
Los faches se passèron en 2018, quand de nombroses ciutadans organizats en un comitat de defensa de l’environament bloquèron un projècte minièr en Honduras, que polluissiá la ribièra Guapinol. En seguida, arrestèron arbitràriament 8 activistas dont 6 foguèron encarcerats preventivament e acusats de delictes de damatges. Amnestia Internacionala e lo comitat dels Dreches Umans de l’ÒNU seguissián l’afar.
La quita concession de la mina èra contestada per irregularitats a l’expedicion de las licéncias e sustot per las grèvas consequéncias sus l’environament e suls mejans de vida dels abitants de la region, çò rapòrta Directa.
“Son de victimas d’una detencion arbitrària e d’un jutjament penal infondat, unicament per lor trabalh legitim de defensa del drech a l’aiga e a un environament san”, çò disiá Amnestia Internacionala. De son caire, lo Naut Comissariat de las Nacions Unidas pels Dreches Umans mostrèt son chepic e qualifiquèt los activistas de “defensors de la tèrra e l’environament qu’exercisson un trabalh remarcable en favor de la democracia”.
L’esperança del cambiament de govèrn
La senténcia arriba pauc après la presa de possession de la presidenta Xiomara Castro, la primièra femna progressista après mai d’un sègle de bipartidisme dels partits liberal e conservator. Dins son primièr discors coma presidenta, aviá demandat la liberacion dels activistas de Guapinol e una enquista per l’assassinat de Berta Cáceres, la cap indigèna qu’aviá dirigit un movement de resisténcia del pòble lenca contra una restanca.
At a time when good news is direly needed, we're thrilled to see that the courageous #Guapinol water defenders put on trial in Honduras by corporate polluters are free and reunited with their families at last! ¡Felicidades! https://t.co/wWemhTrUo6
— Institute for Policy Studies (@IPS_DC) February 25, 2022
#GuapinolInocente finally free!!!
— EU - LAT Network (@eulatnetwork) February 25, 2022
29 months illegally detained for defending the environment
It's been a long and hard time for #SakharovFinalists but it doesn't end here:
We need reparation for #HRDs
We need to #HoldBizAccountablehttps://t.co/aUq4FAa2Gbpic.twitter.com/NVZoKDH680
Después de 914 días de prisión ilegal, injusta y arbitraria. Los defensores del Río Guapinol son ¡libres!#Guapinol#NoticiasHonduras#PeriodismoUNAHpic.twitter.com/gIlGmvqSma
— Flor Morales (@Floremoraless) February 25, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari