Actualitats
Abcazia reconeis las republicas autoproclamadas de Donetzk e Luhansk
En 2014, una susmauta de l’oposicion forcèt un cambiament de govèrn e l’integracion republica caucasenca dins l’airal geopolitic rus
Tèxte legit
Lo president d’Abcazia, Aslan Bzhania, signèt dissabte passat la reconeissença de las republicas popularas autoproclamadas de Donetzk e Luhansk en plena invasion russa d’Ucraïna. “Soi segur que tota la societat abcaza aprovarà aquesta decision”, çò diguèt. Puèi, dins un discors al pòble, Bzhania assegurèt qu’Abcazia seguissiá atentivament la situacion en Donbass.
De remembrar qu’Abcazia visquèt una crisi politica en 2014 restacada a l’economia, la construccion nacionala e la relacion amb Russia. Las protèstas de l’oposicion finiguèron que faguèron fugir lo president d’alavetz, Aleksandr Ankvab, que denoncièt un “còp d’estat”. L’oposicion criticava la marrida gestion economica e la concession del ciutadanatge abcaz als georgians etnics. A mai, volián que la republica caucasenca intresse dins l’union doanièra dirigida per Moscòu. Tot semblava una cortina de fum per integrar Abcazia dins l’airal geopolitic rus, qu’ara se ven de confirmar.
De remembrar qu’Abcazia visquèt una crisi politica en 2014 restacada a l’economia, la construccion nacionala e la relacion amb Russia. Las protèstas de l’oposicion finiguèron que faguèron fugir lo president d’alavetz, Aleksandr Ankvab, que denoncièt un “còp d’estat”. L’oposicion criticava la marrida gestion economica e la concession del ciutadanatge abcaz als georgians etnics. A mai, volián que la republica caucasenca intresse dins l’union doanièra dirigida per Moscòu. Tot semblava una cortina de fum per integrar Abcazia dins l’airal geopolitic rus, qu’ara se ven de confirmar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A l'ora qu'Ucraïna tota es envasida, que la guèrra es totala, que i a jà mièg million de refugiats, que l'ONU ne prevei set, que la menaça nucleària es brandida per Russia, qu'Europa se trapa mai seriosament que jamai dempuèi 1945 al lindau d'una tresenca guèrra mondiala, aquesta reconeissença abkasa es pus qu'anecdotica. De parpèlas d'agaça !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari