Actualitats
La Generalitat de Catalonha atribuís lo prèmi Robèrt Lafont a Felip Gardy
Per la difusion de las valors de l'occitan e del sieu patrimòni escrich dins l'encastre de la sciéncia e de la literatura
Felip Gardy, professor a l'Universitat Pau Valèri de Montpelhièr, recebrà lo prèmi Robèrt Lafont que lo Departament de Cultura de la Generalitat de Catalonha atribuís a la projeccion e promocion de la lenga occitana.
Dins lo quadre dels prèmis Pompeu Fabra, lo Departament de Cultura de la Generalitat de Catalonha liura lo prèmi Robèrt Lafont "a una persona o entitat que se siá distinguida per la defensa, projeccion e promocion de la lenga occitana en quin ponch que siá del sieu domeni lingüistic".
Lo prèmi serà liurat al "Palau de la Música" de Barcelona dins un acte que se celebrarà lo 5 de mai que ven.
Felip Gardy recebrà lo guerdon "per la siá contribucion notabla a la preservacion e difusion de las valors de la lenga occitana e del sieu patrimòni escrich dempuèi los domenis de la sciéncia e de la creacion literària".
Felip Gardy es un poèta, discípol de Robèrt Lafont. A escrich divèrsas òbras en occitan, dins las qualas se declara discípol de Max Roqueta e de Teodòr Aubanèu, e d'autras en francés sus la tematica occitana. Es professor de literatura occitana a l'Universitat Pau Valèri de Montpelhièr e a l'Universitat de Bordèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vaquí una eleccion, la de Felip Gardy, que tomba al moment just e fa onor a aqueles que l'an presa! N'avèm bravament besonh, en Catalonha, d'encaminaments intellectuals e creatius coma lo de Gardy! Un cercaire e un poèta qu'ai pas jamai legit sens n'èstre interpelat. Es als poètas de fondar çò que dèu demorar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari