Actualitats
Ericsson paguèt l’Estat Islamic per trabalhar en Iraq
L’ICIJ publica una enquista sus las marridas practicas de la societat suedesa de telefòns mobils
Tèxte legit
L’enquista —publicada en coincidéncia amb l’inaguracion del Congrès Mondial de la Telefonia Mobila que se ten a Barcelona— l’an publicada 29 mèdias dins 22 païses coma part d’un projècte dich Lista Ericsson. Lo document assegura que divèrses responsables de la societat suedesa volguèron pas arrestar lors operacions a Mossol quand èra contrarotlat pels jihadistas, e mai o sollicitèsson dos salariats. Al contrari, la societat demandèt lo permés de “l’autoritat locala” dels terroristas per contunhar d’operar. A aquel moment, l’Estat Islamic sequestrèt un dels sostractants d’Ericsson, en consequéncia de qué l’ICIJ acusa l’entrepresa d’aver quitament mes en perilh sos emplegats.
En mai d’aquò, lo consòrci dels jornalistas ditz que las marridas practicas d’Ericsson van fòrça mai enlà en avent de conduchas indegudas en Liban, Espanha, Portugal e Egipte. A mai, un fuèlh de calcul mòstra una presumida malversacion de fonzes de part de sos emplegats en Angòla, Azerbaitjan, Bahrayn, Brasil, China, Croàcia, Libia, Marròc, als Estats Units e en Sud-Africa.
Per l’elaboracion de son rapòrt, los jornalistas de l’ICIJ an verificat l’autenticitat dels documents qu’an analisat e revisat pendent plusors meses. A mai, an entrevistat d’èx-salariats, de foncionaris governamentals, d’adjudicataris e d’autres expèrts de l’indústria dins divèrses païses del Mond.
Ericsson a pas volgut respondre a las questions pausadas pels jornalistas pendent la confeccion del rapòrt, mas si que publiquèt un comunicat lo 15 de febrièr passat ont reconeissiá sa “marrida conducha restacada a la corrupcion” en Iraq e tanben d’eventuals pagaments a l’organizacion terrorista. Aquel fach ocasionèt la casuda de las accions de la societat.
NEW: The #EricssonList investigation uncovers the telecom giant’s years-long campaign of bribery and fraud in war-torn Iraq, secret dealings in ISIS-controlled areas and a pattern of misconduct on a global scale. https://t.co/fqe7ppCPCd
— ICIJ (@ICIJorg) February 27, 2022
NEW: The #EricssonList investigation uncovers the telecom giant’s years-long campaign of bribery and fraud in war-torn Iraq, secret dealings in ISIS-controlled areas and a pattern of misconduct on a global scale. https://t.co/fqe7ppCPCd
— ICIJ (@ICIJorg) February 27, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1) Semblaria que los Talibans siaguen a mand de prène Kabol. 2) Segon fonts americana una operacion s'engimbraria contra Ben Laden.
E l'invasion russa ? E lo sèti de Kiev ? E lo discors del president ucraïnan al parlament europenc ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari