capçalera campanha

Actualitats

InternacionalPolitica

Russia: de penas de fins a 15 ans de preson per aver difusat “d’informacions falsas” sus l’armada

La BBC a suspendut los emplecs de totes sos jornalistas en Russia per los protegir

Tèxte legit

Lo parlament de Russia, la Duma, aprovèt divendres un projècte de lei qu'establís de penas de fins a 15 ans de preson per qui difusariá “d’informacions falsas” sus l’armada del país. La nòrma s’aplicarà tant als mèdias coma als ciutadans. A mai, la Duma a tanben aprovat de verbalizar las “cridas a impausar de sancions” contra Russia. Quand lo president rus, Vladimir Putin, signarà lo tèxt, lo projècte vendrà definitivament una lei. Lo govèrn rus assegura que la tòca es de contratacar la “guèrra de l’informacion” contra l'Occident.
 
Sul pic, la BBC suspendèt temporàriament los emplecs de totes sos jornalistas en Russia per los protegir. De soslinhar que lo sit web de la cadena èra ja restrench en Russia.
 
Los mèdias en Russia an pas pus drech d’emplegar lo mot “guèrra” mas devon dire “operacion militara” en parlar de l’invasion d’Ucraïna.
 
 
fffff fffff
 Messatge de Novaya Gazeta:
 
Cars amics,

La censura militara en Russia s’es desplaçada devèrs la menaça de persecucion penala tant de jornalistas, coma de ciutadans que rapòrtan las ostilitats d’un biais diferent dels comunicats de premsa del Ministèri de la defensa.

Per tant, escafam los elements materials sus aqueste subjècte
  		 
   




abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Non, Johnny tu n\'es pas un ange !
2.

#1 E ara, (rantanplan-rantanplan) lo sènher Lachaud, correspondent exclusiu dau Poutin's Fan Club ! Puta, es quauquaren lo progrès !

  • 10
  • 3
pierre lachaud
1.

Dempuei tot petit ai auver parlar de Russia e dau KGB en terme de diable. Nos disian que la CIA e sos equivalents en Occident eran pus respectuos e protegeavan los pais que s'eran botan sos los paraplujas daus Estats-Unis..Putin es un ancian dau KGB e donc devria esser un esser sanguinari, un dictator. L'òm oblida qu'au KGB a fach l'experiença d'una guerra sens merci entre los dos services de rensenhament. L'òm compren qu'a volgut oeuvrar per botar fin a d'aquela guerra. L'òm oblida un pauç tròp sovent que la CIA esra pas un ange e que sos lo crubert de protegear de las populacions menava una guerra coloniala, protegeava lo trafic de drògas. L'armada daus Estats-Unis, dins sa majoritat son cofle d'aquelas messonjas.
Macron es lo sol a voler persistar dins aquel vielh monde baptisat uei novel òrde mondial. Son temps es comptat. Putin a lo merite de botar l'afar de las faussas informacions a la una dau monde.

  • 4
  • 6

Escriu un comentari sus aqueste article