Actualitats
Ucraïna: de supermercats cridan al boicòt de Coca-Cola
Asseguran que la companhiá a pas volgut jónher las sancions que fòrça entrepresas internacionalas infligisson a Russia
Tèxte legit
Divèrsas cadenas de supermercats en Ucraïna an començat de retirar los produches de Coca-Cola. Asseguran que la companhiá a pas volgut jónher las sancions que fòrça entrepresas internacionalas infligisson a Russia. Quitament Microsoft anoncièt divendres que tanben jonhiá la campanha de vendre pas sos produches en Russia tant que contunhariá l'invasion d’Ucraïna.
La cadena de supermercats Novus, una de las mai importantas del país, a publicat de fotografias de sos emplegats a retirar totes los produches de la societat Coca-Cola. Lo boicòt afècta tanben las marcas Rich, Schweppes, Sprite, Burn, BonAqua, Fanta, Monster e Fuzetea, qu'apertenon a Coca-Cola. Las cadenas Silpo e Varus an tanplan jonch lo boicòt.
Dins son sit web ucrainés, Coca-Cola a publicat un comunicat ont afortís qu’a donat un milion d’èuros a la Crotz Roja e qu'a ofèrt fòrça produches als soldats de l’armada e a las personas qu’èran a fugir sus las estradas del país. Fa pas cap de referéncia al boicòt.
La cadena de supermercats Novus, una de las mai importantas del país, a publicat de fotografias de sos emplegats a retirar totes los produches de la societat Coca-Cola. Lo boicòt afècta tanben las marcas Rich, Schweppes, Sprite, Burn, BonAqua, Fanta, Monster e Fuzetea, qu'apertenon a Coca-Cola. Las cadenas Silpo e Varus an tanplan jonch lo boicòt.
Dins son sit web ucrainés, Coca-Cola a publicat un comunicat ont afortís qu’a donat un milion d’èuros a la Crotz Roja e qu'a ofèrt fòrça produches als soldats de l’armada e a las personas qu’èran a fugir sus las estradas del país. Fa pas cap de referéncia al boicòt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se van encarestir los produches de basa alimentari.
Tanben Cocà-Còlà apensat de nosaus e subretot d'elis es a promòure d'ara endabans :
Per un Kilo de pastas crompat oferta d'un litre de Cocà-Còlà. Cocanha vertat !
Ja las pastas an près 25% d'aument, e es pas acabat pensi que se doblarà lo pretz dins lèu.
#1 "I auria pas agut de guerra si avian conservat lòr autonomia alimentaria e autra".
L'esséncia del revisionisme e de l'esperit de somission, lo lachaudo-potinisme.
L’indici CRB que sièc l’evolucion de 19 materias primièras sompartidas atal : 39% per l’energia, 41% sus l’agricultura, 7% sus los metals preciós, 13% suls metals de basa, a pujat de 50% sus una annada, aquel indici es un bon indicator de l’inflacion venenta, la Guèrra Russia Ucraina lo fasquèc enquèra mai pujar.
L’indici S&P GSCI que recampa 24 materias primièras a pujat de 56% sus una annada.
L’indici de la FAO recampa los produches alimentaris de basa (internacional) a pujat de 17%
L’indici LME (los metals non « ferreux ») a pujat de 38%.
Tot s’encarestíu… e lo deute tanben.
Lo novèl mond sarà un aís Moscòu Beijing e son elis que balharàn lo balan, un còp mai sarèm los servicials tà coma l’avèm estats pels Estats-Unids.
Tant mielhs; los ukrainians an pas besonh daus produchs de coca-cola. An pas besonh daus produchs de las multinacionalas que son aqui per lo privar de lòrs produccions. I auria pas agut de guerra si avian conservat lòr autonomia alimentaria e autra.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari