Un dels membres de la delegacion d’Ucraïna que negociava amb Russia per metre lo ponch final a la guèrra es mòrt a Kyiiv. S’agís de Denis Kiriev, un banquièr que foguèt vicepresident d’Oschadbank e membre del conselh supervisor d’Ukreshimbank, doas de las tres principalas entitats financièras del país. Segon Ukrayinska Pravda, l’a tuat l’intelligéncia ucraïnesa (SBU).
 
Segon aquel quotidian, Kireiev a trapat la mòrt quand d’agents secrets ensajavan de l’arrestar jos l’acusacion de traïson. Dins aquel sens, segon aquela version, l’èx-banquièr auriá passat d’informacions sensiblas sul govèrn d’Ucraïna a Russia, sustot per mejan de convèrsas telefonicas. Suls rets socials circulavan d’imatges que mòstran un còrs executat que poiriá èsser lo del negociaire.
 
Dissabte, las autoritats ucraïnesas ne confirmèron la mòrt. Dins una twiterejada fòrça brèva, l’intelligéncia ucraïnesa assegurèt que Kireiev e dos autres membres del còrs son mòrts mentre que realizavan “d’obratges especials”.
 
 
Dos deputats acusan Kireiev de traïson
 
De son latz, lo deputat independent ucraïnés Oleksiy Goncharenko assegura sus Facebook que Kireiev lo tuèron quand resistissiá per evitar d’èsser detengut. “Segon los interlocutors dels cercles politics, los servicis secrets avián d’informacions claras de la traïson a l’estat de Kireiev, particularament en de negociacions telefonicas”, çò ditz.
 
Atanben, Alexander Dubinsky, deputat per la formacion governamentala Servitor del Pòble, a escrich dins son canal de Telegram que Kireiev foguèt tuat pendent son arrestacion. A mai de l’acusar de traïson, Dubinsky assegura que lo mòrt èra membre del grop criminal rus Klyuev.

 

Під час виконання спеціальних завдань, загинули три розвідники — співробітники Головного управління розвідки Міністерства оборони України:

Доля Олексій Іванович
Чибінєєв Валерій Вікторович
Кірєєв Денис Борисович#ГУРпамятаєpic.twitter.com/6qKcwAZyME

— Defence intelligence of Ukraine (@DI_Ukraine) March 5, 2022

Denis Kireev, a member of the negotiation team on the Ukrainian side, was killed. According to preliminary information, he was liquidated by the Security Service of #Ukraine during his detention on suspicion of treason. pic.twitter.com/ab1GpkIxt8

— NEXTA (@nexta_tv) March 5, 2022