La vesita de Matteo Salvini a Polonha s’es virada contra lo dirigent italian d’extrèma drecha, qu’es estat reprimandat d’èsser amic de Putin pel cònsol màger del vilatge de Przemyśl. L’intervencion, ont se pòt veire Salvini clarament a malaise, l’an partejada de milièrs de còps sus Twitter.
 
Salvini s’èra desplaçat en Polonha per sosténer los refugiats ucraïneses e deviá far ièr dimars a miègjorn una compareissença a la gara de Przemyśl, un vilatge près de la frontièra amb Ucraïna, qu’es un dels principals ponches d’intrada en Polonha dels refugiats ucraïneses. Ça que la, lo cònsol màger, Wojciech Bakun, interrompèt lo parladís del politician italian en tot l’acusar, en polonés, d’èsser admirador de Putin.
 
“Ai pas cap de respècte per vos”, çò apondèt, aquel còp en anglés. “Venètz amb ieu a la frontièra e condemnatz-lo [Putin]”, çò insistiguèt Bakun. Quand Salvini ensagèt de l’interrompre per explicar qu’el èra anat en Polonha per “ajudar los refugiats, los enfants, las maires e los pares d’Ucraïna”, lo cònsol li respondèt que lo pensava pas recebre.
 
En seguida, Bakun brandiguèt una camiseta amb la cara de Putin, ont èra escrich en rus “armada de Russia”, tot en apondent que solament l’acompanhariá al camp de refugiats s’acceptava de la tornar portar. Èra una camiseta coma la que la portava Salvini dins una vesita a Moscòu en 2014. En rèireplan, se poguèt ausir d’insultes en italian de part del public.
 
Salvini èra ja conegut per sas accions contra los refugiats. A mai, en 2019, diguèt que Putin èra “lo melhor cap d’estat del Mond”. Ara, totun, èra anat en Polonha per mostrar sa solidaritat amb los refugiats ucraïneses. Sembla doncas que l’impopularitat de l’invasion russa d’Ucraïna l’aja obligat de cambiar de vejaire e de rebutar son admiracion per Putin e son mesprètz pels refugiats.
 
Salvini, ça que la, a evitat fins ara de condemnar lo president rus d’un biais explicit, un problèma que tanben l’an d’autres caps europèus d’extrèma drecha coma Marina Le Pen, que la setmana passada retirèt de milions d’exemplars de son programa electoral perque i aviá una fòto d’ela amb Putin.
 
 
 

Bad adventure for Matteo Salvini at the Ukrainian-Polish border:

the mayor of Przemys refused to go with him and showed the shirt worn by the leader of the League in the European Parliament a few years ago: "No respect for you"

( @SimoneAlliva)

pic.twitter.com/rniXmeadBO

— Marco Bresolin (@marcobreso) March 8, 2022

 

No, Matteo, we will not forget how you did your best to legitimise the policies and actions of the very regime that is now committing a genocide of the Ukrainian nation. pic.twitter.com/fKYtvvCwzf

— Anton Shekhovtsov (@A_SHEKH0VTS0V) March 7, 2022

 

Marine Le Pen's party is binning its 8-page electoral tract, which features a picture of her shaking hands with Vladimir Putin. Apparently that's not a vote-winner any more! 1.2 million copies had been printed. https://t.co/joVnjrhAvE

— Stanley Pignal (@spignal) March 1, 2022

 

Enrico Letta li ho diu ben clar a Marine Le Pen: Trump i Putin són els seus punts de referència. Trump va acabar el seu mandat amb l'assalt al Capitoli. Putin bombardeja els ucraïnesos.
La seua política exterior és un fracàs?"
Gran @EnricoLetta
pic.twitter.com/yzFQWpKHhh

— Enric Morera (@enricmorera) March 4, 2022