De calandrons de Carcassona nos contan lor descobèrta de Joan Bodon gràcias a doas vesitas d’Alan Roch.
 

Lo dimars 1r e lo dijòus 3 de febrièr, aguèrem l’astre de reçaupre la vesita d’Alan Roch, que nos venguèt parlar d’un autor occitan que ne festejam ongan lo centenari de la naissença: Joan Bodon.
 
Lo primièr jorn, Alan nos contèt las grandas linhas de la vida de Joan Bodon: ont nasquèt, los estudis que seguiguèt e lo mestièr de regent que causiguèt. Nos contèt tanben cossí foguèt forçat de partir per l’STO del temps de la guèrra. Nos parlèt tanben de son engatjament per la lenga nòstra, l’occitan.
 
A sa segonda venguda, Alan nos contèt dos contes de Joan Bodon eissits del recuèlh Contes del Drac: «La montanha negra» e «L’aucèl gris». Aqueles contes son tan locals coma universals dins lors tèmas o lors personatges.
 
Grand mercé a Alan d’èsser vengut nos faire conéisser melhor aquel òme que defendèt totjorn nòstra cultura.
 
 
 
 
La classa de Peirina


 

Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…