Actualitats
Qatar mantendrà lo poèta Al Ajami quinze ans en preson
Muhammad Al Ajami foguèt arrestat en 2011, acusat d’incitar a far caire lo govèrn qatarita dins un poèma
Lo Tribunal d’Apelacion de Qatar a decidit diluns passat de manténer Muhammad Al Ajami quinze ans en preson. Lo poèta foguèt condemnat prèviament a perpetuitat per “aver incitat a far caire lo sistèma de govèrn” e per “aver insultat l’emir” dins un poèma. Ara, lo tribunal a redusit la perpetuitat a quinze ans de preson.
“Es estat un jutjament arrenjat, çò que demòstra que lo govèrn es darrièr lo sistèma de justícia e que i a pas d’independéncia”, a dich lo sieu avocat.
Al Ajami foguèt arrestat en novembre de 2011 e, un an puèi, foguèt condemnat a perpetuitat dins un jutjament secret, segon lo sieu avocat Najib Al Nauimi. Las cargas se fondan sus lo poèma Gensemin, ont ditz “Totes sèm Tunisia davant l’elèit repressor”, en referéncia a la revolucion de la Prima Aràbia.
L’arrestacion del poèta a causat de reaccions dins tot lo Mond; Human Rights Watch e Amnestia Internacionala an demandat d’explicacions al govèrn de Qatar, an defendut que i aviá pas de pròvas qu’Al Ajami foguèsse anat “delà lo legitim exercici del sieu drech a la libertat d’expression” e an alertat que s’agís d’un presonièr de consciéncia.
Qatar es un emirat arabi que finança las esquipas de fotbòl de l’FC Barcelona e de París Saint-Germain.
“Es estat un jutjament arrenjat, çò que demòstra que lo govèrn es darrièr lo sistèma de justícia e que i a pas d’independéncia”, a dich lo sieu avocat.
Al Ajami foguèt arrestat en novembre de 2011 e, un an puèi, foguèt condemnat a perpetuitat dins un jutjament secret, segon lo sieu avocat Najib Al Nauimi. Las cargas se fondan sus lo poèma Gensemin, ont ditz “Totes sèm Tunisia davant l’elèit repressor”, en referéncia a la revolucion de la Prima Aràbia.
L’arrestacion del poèta a causat de reaccions dins tot lo Mond; Human Rights Watch e Amnestia Internacionala an demandat d’explicacions al govèrn de Qatar, an defendut que i aviá pas de pròvas qu’Al Ajami foguèsse anat “delà lo legitim exercici del sieu drech a la libertat d’expression” e an alertat que s’agís d’un presonièr de consciéncia.
Qatar es un emirat arabi que finança las esquipas de fotbòl de l’FC Barcelona e de París Saint-Germain.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Es pas l'Estat qatarita que finança los Salafistas, son qualques emirs a titól personal...
oblidem pas nimai que lo Qatar finança la propaganda salafista dins lo mond entier -au mali e e alhors (endacom), mai d'un autre caire serià contra lo terrorisme ! en tot cas, la condamnacion d'aqueu poeta ei particularament saborosa -a levat per eu, pecaire, que se compreni ben, foguèt condamnat per aguer lausat la revolucion en Tunisia qu'a menat lei salafistas au poder.urosament qu'an pa'ncara capitat a cent per cent, mai se fenisson per islamizar la Tunisia, au paure poeta li farà un pam de nas !
#6 Mai simplament, teis escolans devon liegir la pagina facebook dau G.O.D. per s'assabentar de l'Unenca Veritat Occitana :)
#6 E se demandas a un vièlh: Savez-vous qui ce qu'est un Cathare? Te respondrà: Un rhume de cerveau! Qu'ajan la cervèla enraumassada o intoxicada, lo resultat es lo meteis.
Question als escolans : Savez-vous qui sont les Cathares ?
Responsa d'un escolan : Ceux qui ont racheté le PSG !
Absoludament veridic...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari